ខេត្តស្ទឹងត្រែង ៖ នគរបាលស្រុកបុរីអូរស្វាយសែនជ័យបានអ៊ូររទាំថា ការបង្ក្រាបជនល្មើសពាក់ព័ន្ធក្នុងករណីបទល្មើសឧក្រិដ្ឋនានា ពិសេសករណីបង្ក្រាបគ្រឿ.ងញៀ.នដែលសម្តេច ស ខេង តែងព្រួយបារម្ភ និងដាក់បទបញ្ជាយ៉ាងម៉ឺងម៉ាត់អោយបង្ក្រាប និងចាប់ជនល្មើសទៅផ្តន្ទាទោស…
ខេត្តស្ទឹងត្រែង ៖ នគរបាលស្រុកបុរីអូរស្វាយសែនជ័យបានអ៊ូររទាំថា ការបង្ក្រាបជនល្មើសពាក់ព័ន្ធក្នុងករណីបទល្មើសឧក្រិដ្ឋនានា ពិសេសករណីបង្ក្រាបគ្រឿ.ងញៀ.នដែលសម្តេច ស ខេង តែងព្រួយបារម្ភ និងដាក់បទបញ្ជាយ៉ាងម៉ឺងម៉ាត់អោយបង្ក្រាប និងចាប់ជនល្មើសទៅផ្តន្ទាទោស ដែលត្រូវការពារយ៉ាងហ្មត់ចត់លើការបញ្ជូនខ្លួន តែជាក់ស្តែងគឺកំពុងខ្វះមធ្យោបាយដឹកជញ្ជូនជនសង្ស័យ ដោយសារតែឡានអំណោយរដ្ឋត្រូវមេទុកប្រើប្រាស់ផ្ទាល់ខ្លួន។
តែជារឿយៗ ជនល្មើសដែលត្រូវចាប់ខ្លួនមិនបានការពារមាំទាំនោះទេ ដែលជាហេតុធ្វើមន្ត្រីនគរបាលដែលត្រូវចាត់តាំងបញ្ជូនជនល្មើសទៅស្នងការដ្ឋានប្រឈមសុវត្ថិភាព និងការទទួលខុសត្រូវផ្ទាល់ខ្លួន ប្រសិនមានករណីបាត់បង់ជនល្មើស ឬជនល្មើសគេចចេញពីដៃមន្ត្រីនគរបាល ។
គេតែងតែប្រទះឃើញជាញឹកញាប់ក្នុងសកម្មភាពនគរបាលដឹកជញ្ជូនជនល្មើសពីស្រុកបុរីអូរស្វាយសែនជ័យ ទៅស្នងការដ្ឋានតាមរយៈមធ្យោបាយម៉ូតូ ដោយមានមន្ត្រីការពារតិចតួច ។
ជាក់ស្តែង កាលពីថ្ងៃទី១០ ខែសីហា ឆ្នាំ២០២២ កម្លាំងនគរបាលស្រុកបុរីអូរស្វាយសែនជ័យ បានចាប់ខ្លួនជនល្មើស៣នាក់ ពាក់ព័ន្ធករណីជួញដូគ្រឿ.ងញៀ.ននៅចំណុចក្បាលកោះឈើទាលតូចឃុំព្រះរំកិល។ ជនសង្ស័យខាងលើទី១-ឈ្មោះវន ប៉ៅ ភេទប្រុស អាយុ៣០ឆ្នាំ។ ទី២-ឈ្មោះថង ភិន ភេទស្រី អាយុ៣៩ឆ្នាំ។ ទី៣-ឈ្មោះ ដន ឡប ភេទប្រុសអាយុ៣៥ឆ្នាំ។
អ្នកទាំងបីរស់នៅភូមិកោះឈើទាលតូចឃុំព្រះរំកិល ស្រុកបុរីអូរស្វាយសែនជ័យ។ រីឯវត្ថុតាងដកហូតបានរួមមានថ្នាំញៀនមេតំហ្វេតាមីនមួយកញ្ចប់ស្មើនឹង១៨៤គ្រាប់។ ក្រោយការបង្ក្រាបករណីគ្រឿងញៀនខាងលើនេះ នគរបាលស្រុកបុរីអូរស្វាយសែនជ័យ បានដឹកបញ្ជូនជនល្មើសតាមម៉ូតូដោយមានចម្ងាយប្រមាណជា៦០គីឡូម៉ែត្រមកកាន់ស្នងការដ្ឋាននគរបាលខេត្តស្ទឹងត្រែង។
ប្រភពព័ត៌មានអោយដឹងថា ការដឹកជញ្ជូនជនល្មើសតាមរយៈម៉ូតដោយជនសល្មើសអង្គុយពីក្រោយនគរបាលជាអ្នកបើកម៉ូតូ ប្រសិនជាជនល្មើសមានចេតនាលោតពីលើម៉ូតូគេចខ្លួនឬមានបក្សពួកស្ទាក់រំដោះយក និងអាចបាត់បង់ជនល្មើសពីដៃសមត្ថកិច្ចដោយប្រការណាមួយ ។
ទាក់ទិនករណីខាងលើលោក ហៀក សុខសេរី អធិការស្រុកបុរីអូរស្វាយសែនជ័យ ពុំបានយកចិត្តទុកដាក់រាល់ការបញ្ជូនជនល្មើសដែលមានចម្ងាយប្រមាណជា៦០គីឡូម៉ែត្រ មកដល់ស្នងការដ្ឋាននគរបាលខេត្តនោះឡើយ ខណៈរថយន្តដែលជាអំណោយរបស់អគ្គស្នងការនគរបាលជាតិប្រគល់ជូនដល់អធិការដ្ឋានតាមរយៈស្នងការដ្ឋាន សម្រាប់បំរើការងាររួមនៅអធិការដ្ឋានស្រុក ត្រូវលោកអធិការស្រុកយកទៅជិះផ្ទាល់ខ្លួន បើមិនជិះទេទុកចតចោលមិនអោយកូនចៅរបស់ខ្លួនប្រើប្រាស់ក្នុងអង្គភាពនោះទេ ៕
ចែករំលែកព័តមាននេះ