BBC កាលពីពេល ថ្មីៗកន្លងមកផ្សាយថា អ្នកដំណើររបស់ក្រុមហ៊ុនអាកាសចរណ៍បានថតជាប់រូបភាពគួរឱ្យភ្ញាក់ផ្អើលមួយគឺពពករាងជាខ្សែឆ្នូតលាតសន្ធឹងវែងនៅលើវេហាស៍ ។ វាគឺជាបាតុភូតពពករមូរ ដែលកើតមានញឹកញាប់
BBC កាលពីពេល ថ្មីៗកន្លងមកផ្សាយថា អ្នកដំណើររបស់ក្រុមហ៊ុនអាកាសចរណ៍បានថតជាប់រូបភាពគួរឱ្យភ្ញាក់ផ្អើលមួយគឺពពករាងជាខ្សែឆ្នូតលាតសន្ធឹងវែងនៅលើវេហាស៍។ វាគឺជាបាតុភូតពពករមូរ ដែលកើតមានញឹកញាប់នៅអូស្ត្រាលី ប៉ុន្តែមិនធ្លាប់មានភាពស្រស់ស្អាតដូចលើកក្រោយនេះទេ ។
លោក Ilya Kastsman អាយុ២២ឆ្នាំ បានប្រទះឃើញបាតុភូតនោះ ខណៈពេលស្ថិតនៅលើជើងហោះហើររបស់ក្រុមហ៊ុនអាកាសចរណ៍ «Virgin Australia » ចេញពីក្រុងភើតឆ្ពោះទៅក្រុងអេឌីឡេត ។ លោក Katsman បានសរសេរនៅក្នុង Instagram ថា «ជាពពកមានលក្ខណៈពិសេសជាងការប្រទះឃើញកាលពីមុន ជាពពករមូរ (Roll Clouds) មានលក្ខណៈវែងលាតសន្ធឹងនៅលើមេឃក្នុងប្រទេសអូស្ត្រាលី។ បាតុភូតបែបនេះរមែងកើតឡើងនៅភាគខាងជើងប្រទេស ប៉ុន្តែពេលនេះខ្ញុំមានអារម្មណ៍ប្លែកដែលបានឃើញនៅភាគខាងត្បូង» ។
ក្រុមហ៊ុនអាកាសចរណ៍ «Virgin Australia» បានបង្ហោះរូបភាពនោះដោយបញ្ជាក់ថា «កំពុងហោះនៅលើពពកដែលមិនធ្លាប់មានភាពស្រស់ស្អាតបែបនេះពីមុនមកទេ ។ ខ្សែពពកដ៏គួរឱ្យភ្ញាក់ផ្អើលនេះមើលឃើញលើជើងហោះហើរ VA 714 ពីក្រុងភើតឆ្ពោះទៅអេឌីឡេត » ។
ពពកបែបនោះធ្លាប់កើតឡើងនៅចក្រភពអង់គ្លេសដែរ ប៉ុន្តែមិនញឹកញាប់ទេ ៕
ចែករំលែកព័តមាននេះ