ខេត្តបន្ទាយមានជ័យ ៖ ខ្លោងទ្វារចូលតំបន់អភិវឌ្ឍន៍បឹងជង្រុកតេជោឈ្នះឈ្នះ ដែលជាអំណោយថ្លៃថ្លារបស់សម្តេចតេជោ ហ៊ុន សែន បានកសាងជិតរួចរាល់១០០% ស្ថិតឃុំទួលពង្រស្រុកម៉ាឡៃ។ លោក ស្វាយ…
ខេត្តបន្ទាយមានជ័យ ៖ ខ្លោងទ្វារចូលតំបន់អភិវឌ្ឍន៍បឹងជង្រុកតេជោឈ្នះឈ្នះ ដែលជាអំណោយថ្លៃថ្លារបស់សម្តេចតេជោ ហ៊ុន សែន បានកសាងជិតរួចរាល់១០០% ស្ថិតឃុំទួលពង្រស្រុកម៉ាឡៃ។
លោក ស្វាយ ជា អភិបាលស្រុកម៉ាឡៃបានប្រាប់ថា ខ្លោងទ្វារផ្លូវចូលតំបន់អភិវឌ្ឍន៍បឹងជង្រុកតេជោឈ្នះឈ្នះ ដែលជាអំណោយដ័ថ្លៃថ្លាសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលល្អប្រណីតនេះ ស្ថិតក្នុងមូលដ្ឋានស្រុកម៉ាឡៃ ដែលបងប្អូនធ្វើដំណើរឆ្លងកាត់តាមផ្លូវពីស្រុកម៉ាឡៃ ខេត្តបន្ទាយមានជ័យ ទៅកាន់ស្រុកសំពៅលូន ខេត្តបាត់ដំបង ។
លោកបានបញ្ជាក់ថា បើរំលឹកឡើងវិញនៅតំបន់បឹងជង្រុក ឃុំទួលពង្រ ស្រុកម៉ាឡៃ គឺជាតំបន់ទំនាស់ដីធ្លី ដែលមានភាពរ៉ាំរ៉ៃ និងអូសបន្លាយយូរ ជាការយកចិត្តទុកដាក់ពីសម្តេចតេជោ ហ៊ុន សែន នាយករដ្ឋមន្ត្រី នៃព្រៈរាជាណាចក្រកម្ពុជា បានចាត់តាំងក្រុមការងារដោះស្រាយទំនាស់ដីធ្លីថ្នាក់ជាតិដែលមានឯកឧត្តម ប៉ាន់ខែម ប៊ុនថន នាយរងខុទ្ទកាល័យសម្តេចតេជោ ហ៊ុន សែន រួមជាការក្រុមការងារសហការជាមួយអជ្ញាធរខេត្ត.ស្រុកនិងមន្ត្រីជំនាញត្រូវបានដោះស្រាយវិវាធដីធ្លីតំបន់បឹងជង្រុកដោយអនុវត្តន៍គោលនយោបាយឈ្នៈឈ្នៈត្រូវបានដោះស្រាយបញ្ចប់។
លោក ស្វាយ ជា បានបញ្ជាក់ថា ក្រោយឯកឧត្តម ប៉ាន់ខែម ប៊ុនថន ដោះស្រាយបញ្ចប់វិវាធដីធ្លីតំបន់ជង្រុកស្រុកម៉ាឡៃ ក្រុមការងារថ្នាក់ជាតិបានបន្តរៀបចំបែងចែកដីធ្លីជូនប្រជាពលរដ្ឋអភិវឌ្ឍន៍តំបន់ជាអំណោយថ្លៃថ្លាសម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន បានកសាងហេដ្ខារចនាសម្ព័ន្ធផ្លូវថ្នល់សាលារៀន មណ្ឌលសុខភាព និងខ្លោងទ្វារផ្លូវចូលតំបន់អភិវឌ្ឍន៍បឹងជង្រុកតេជោឈ្នះឈ្នះ និងសមទ្ធិផលមួយជាច្រើនទៀត៕
ចែករំលែកព័តមាននេះ