ផ្លូវស្របមាត់ស្ទឹងតភ្ជាប់ឃុំ២ ក្នុងស្រុកមង្គលបុរី ខូចខាតច្រើនឆ្នាំ កំពុងបង្កការលំបាកដល់ប្រជាពលរដ្ឋ
- បន្ទាយមានជ័យ
ខេត្តបន្ទាយមានជ័យ ៖ ផ្លូវស្របមាត់ស្ទឹងតភ្ជាប់ពីឃុំបត់ត្រង់ ទៅឃុំរហាត់ទឹក រងការខូចខាតដោយ
ខេត្តបន្ទាយមានជ័យ ៖ ផ្លូវស្របមាត់ស្ទឹងតភ្ជាប់ពីឃុំបត់ត្រង់ ទៅឃុំរហាត់ទឹក រងការខូចខាតដោយ
ខេត្តបន្ទាយមានជ័យ ៖ ផ្លូវស្របមាត់ស្ទឹងតភ្ជាប់ពីឃុំបត់ត្រង់ ទៅឃុំរហាត់ទឹក រងការខូចខាតដោយទឹកជំនន់អស់រយៈពេល២ទៅ៣ឆ្នាំ កំពុងបង្កការលំបាកដល់ការធ្វើដំណើរ ខណៈប្រជាពលរដ្ឋអំពាវនាវដល់មន្ត្រីជំនាញនិងអាជ្ញាធរជួយកសាង ឬជួសជុល ។
ប្រជាពលរដ្ឋនៅឃុំបត់ត្រង់ និងឃុំរហាត់ទឹក បានប្រាប់ឱ្យដឹងថា ប្រជាពលរដ្ឋពិតជាលំបាកក្នុងការធ្វើដំណើរឆ្លងកាត់តាមផ្លូវតភ្ជាប់ពីឃុំបត់ត្រង់ ទៅឃុំរហាត់ទឹក ដែលស្ថិតក្នុងស្រុកមង្គលបូរី ដែលជួបលំបាកបានអស់រយៈពេល២ទៅ៣ឆ្នាំកន្លងមកហើយ នៅពេលប្រជាពលរដ្ឋដឹកកសិផល និងសិស្សទៅសាលារៀននៅរដូវវស្សាភ្លៀងធ្លាក់ជោគជាំមានភក់និងទឹកដក់តាមជង្ហុក។
ប្រជាពលរដ្ឋបានបញ្ជាក់ថា ផ្លូវ១ខ្សែស្របមាត់ស្ទឹងតភ្ជាប់ពីឃុំបត់ត្រង់នៅត្រង់ផ្លូវបំបែកតភ្ជាប់ពីផ្លូវជាតិលេខ៥ក្រុងសិរីសោភ័ណឆ្លងកាត់ឃុំរហាត់ទឹកដល់ឃុំល្វារស្រុកបវិលខេត្តបាត់ដំបង ដែលជាផ្លូវកាត់សម្រាប់ប្រជាពលរដ្ឋទៅមកបានលឿននិងឆាប់រហ័ស រងការខូចខាតអស់រយៈពេល២ទៅ៣ឆ្នាំដោយសារទឹកជំនន់បានបំផ្លាញ ។ ពាក់ព័ន្ធនឹងបញ្ហានេះ ប្រជាពលរដ្ឋអំពាវនាវដល់អាជ្ញាធរ និងមន្ត្រីជំនាញជួយកសាង ឬជួសជុលឡើងវិញផង។
លោក ជា យុទ្ធារុណ ប្រធានមន្ទីអភិវឌ្ឍជនបទខេត្តបន្ទាយមានជ័យ បានអោយដឹងថា ផ្លូវ១ខ្សែប្រវែងជាង១០គីឡូម៉ែត្រ ស្របមាត់ស្ទឹងមង្គលបូរី ហើយតភ្ជាប់ពីឃុំបត់ត្រង់ឃុំរហាត់ទឹកក្នុងស្រុកមង្គលបូរីនេះ បានរងការខូចខាតរយៈពេល២ទៅ៣ឆ្នាំមកហើយដែលរងគ្រោះដោយទឹកជំនន់បានបំផ្លាញរងការខូចខាតស្ទើរទាំងស្រុង ។ ទន្ទឹមនឹងនោះ មន្ទីជំនាញបានដាក់គម្រោងទៅក្រសួងបានទទួលរួចហើយដោយជំនាញចុះសិក្សាអាចគម្រោងកសាងនៅអំឡុងចន្លោះឆ្នាំ២០២២ ទៅ២០២៨ខាងមុខនេះ ហើយមន្ទីជំនាញអាចថាជួយសម្រួលផ្លូវនេះពេលឆាប់ៗនេះដើម្បីអោយប្រជាពលរដ្ឋទៅមកមិនអោយលំបាកនៅរដូវវស្សា៕
ចែករំលែកព័តមាននេះ