ដើរឆ្លងផ្លូវមិនប្រយ័ត្ន ត្រូវរថយន្តក្រុង១គ្រឿងបុកសល់តែដង្ហើមចង្រិត
រាជធានីភ្នំពេញ ៖ នៅវេលាម៉ោង៨ និង៤០នាទី តាមបណ្ដោយផ្លូវជាតិលេខ៤ ស្ថិតក្នុងភូមិអង្គកែវ សង្កាត់ចោមចៅ ខណ្ឌពោធិសែនជ័យ មានរថយន្តក្រុងមួយគ្រឿង
រាជធានីភ្នំពេញ ៖ នៅវេលាម៉ោង៨ និង៤០នាទី តាមបណ្ដោយផ្លូវជាតិលេខ៤ ស្ថិតក្នុងភូមិអង្គកែវ សង្កាត់ចោមចៅ ខណ្ឌពោធិសែនជ័យ មានរថយន្តក្រុងមួយគ្រឿង
រាជធានីភ្នំពេញ ៖ នៅវេលាម៉ោង៨ និង៤០នាទី យប់ថ្ងៃទី១៦ ខែមករានេះ តាមបណ្ដោយផ្លូវជាតិលេខ៤ ស្ថិតក្នុងភូមិអង្គកែវ សង្កាត់ចោមចៅ ខណ្ឌពោធិសែនជ័យ មានរថយន្តក្រុងមួយគ្រឿង ម៉ាកហ៊ីយ៉ាន់ដាយ បានបុកស្ត្រីម្នាក់បណ្ដាលឲ្យរបួសធ្ងន់សល់តែដង្ហើមចង្រិត។
តាមប្រភពពីកន្លែងកើតហេតុ បានឲ្យដឹងថា នៅមុនកើតហេតុគេឃើញស្ត្រីរងគ្រោះធ្វើដំណើរឆ្លងផ្លូវ ក្នុងទិសដៅពីត្បូងទៅជើង លុះមកដល់ចំណុចកើតហេតុ ត្រង់ពាក់កណ្តាលផ្លូវ ស្រាប់តែមានរថយន្តក្រុងម៉ាក ហ៊ីយ៉ាន់ដាយ មួយគ្រឿង ពាក់ស្លាកលេខ ភ្នំពេញ 3D-6246 ក្នុងល្បឿនលឿនក្នុងទិសទៅពីលិចទៅកើត បានបុកជនរងគ្រោះ ហើយអូសប្រហែលជាង៥ម៉ែត្រទើបឈប់ បណ្ដាលឲ្យរងរបួសធ្ងន់សល់តែដង្ហើមចង្រិត។ ជនរងគ្រោះក្រោយពេលកើតហេតុ ត្រូវបានរថយន្តសង្គ្រោះ៧១១ ដឹកទៅកាន់នៅមន្ទីរពេទ្យព្រះកុសមៈ (ពេទ្យលោកសង្ឃ) ដើម្បីធ្វើការព្យាបាល។
ហើយតាមការស្រាវជ្រាវអំពីអត្តសញ្ញាណបានឲ្យដឹងថា ស្រីរងគ្រោះឈ្មោះ យួង សារឹម អាយុ៥៥ឆ្នាំ មុខរបរលក់នំមុខរោងចក្រ ស្នាក់នៅបុរីសែនមនោរម្យ មានស្រុកកំណើតនៅភូមិពានជ័យ ឃុំសេនារាជឧត្តម ស្រុកព្រះស្ដេច ខេត្តព្រៃវែង៕
ចែករំលែកព័តមាននេះ