រវល់ស្រែកហ៊ោសប្បាយជល់មាន់ សមត្ថកិច្ចព័ទ្ធចាប់រត់បាតជើងសព្រាត
ខេត្តកំពង់ស្ពឺ ៖ ដោយសារតែស្រលាញ់ និងចូលចិត្តល្បែងជល់មាន់ មនុស្សជាច្រើនបានពពាក់ពពូនគ្នាផ្គូផ្គងមាន់ដើម្បីជល់ រវល់តែហ៊ោកញ្ជ្រៀវសមត្ថកិច្ចព័ទ្ធចាប់
ខេត្តកំពង់ស្ពឺ ៖ ដោយសារតែស្រលាញ់ និងចូលចិត្តល្បែងជល់មាន់ មនុស្សជាច្រើនបានពពាក់ពពូនគ្នាផ្គូផ្គងមាន់ដើម្បីជល់ រវល់តែហ៊ោកញ្ជ្រៀវសមត្ថកិច្ចព័ទ្ធចាប់ មានអីរត់បាតជើងសព្រាតរកតែប្រាសអាយុចោលម៉ូតូនៅកន្លែង។ លោកវរ:សេនីយ៍ត្រី មូន លាង បានឲ្យដឹងថា ការបង្ក្រាបនេះធ្វើឡើងកាលពីរសៀលថ្ងៃទី១៥ មករា ២០១៧ នៅចំណុចត្រពាំងព្រៀម ភូមិមនោរម្យ ឃុំមនោរម្យ ស្រុកថ្ពង ខេត្តកំពង់ស្ពឺ។ ក្រោមការបញ្ជាផ្ទាល់ពីលោកស្នងការ រូបលោកបានដឹកនាំកម្លាំងក្រោមបញ្ជា ក្រោយពីកម្លាំងរបស់លោកធ្វើការស្រាវជ្រាវអស់រយៈពេលជាយូរមកហើយ។ ក្រោយដឹងថា ពួកគេប្រមូលផ្តុំផ្គូផ្គងគ្នា ជល់មាន់រួចមកកម្លាំងរបស់លោកបានឆ្មក់ចូលបង្ក្រាបតែម្តង។
ក្រោយចូលដល់ទីតាំងជល់រួចមក ជាលទ្ធផលបង្ក្រាប សមត្ថកិច្ចរបស់លោកដកហូត វត្ថុតាងដែលបម្រើឲ្យការជល់មានមួយចំនួនធំ និងឃាត់មនុស្សបាន ៥នាក់ មាន់គកចំនួន៥ក្បាល ម៉ូតូចំនួន២០គ្រឿង។ មហាជនបានសម្ដែងនូវការសាទរចំពោះ កម្លាំងការិយាល័យសន្តិសុខដែលបានធ្វើការបង្ក្រាបសង្វៀនជល់មានដែលដុះស្លែជាយូរមកហើយ នៅពេលនេះព្រោះថា កន្លងមកមិនដែលមានកម្លាំងខាងអធិការមកបង្ក្រាបម្តងណាឡើយ។ ក្រោយឃាត់ខ្លួនរួមទាំងដកហូតវត្ថុតាងរួចមក សមត្ថកិច្ចបានកសាងសំណុំរឿងដើម្បីបញ្ជូនទៅកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់៕
ចែករំលែកព័តមាននេះ