រាជធានីភ្នំពេញ ៖ ជនជាតិវៀតណាមម្នាក់ ត្រូវរថយន្តដឹកខ្សាច់មួយគ្រឿង បើកបុកនិងកិនចំដើមទ្រូងស្លា.ប់នៅនឹងកន្លែង ខណៈដែលជិះម៉ូតូមួយគ្រឿងសសៀរលើចំណែកផ្លូវបញ្ច្រាសទិស ដែលគ្រោះថ្នាក់នោះបានកើតឡើងកាលពីវេលាម៉ោង០១ និង១០នាទីរសៀលថ្ងៃទី១៦ មករា ស្ថិតតាមបណ្តោយផ្លូវជាតិលេខ៥នៅចំណុចមុខក្រុមហ៊ុនក្រឡុកស៊ីម៉ង់យីហោ «ជីធានខូអិលស៊ីធីឌី »
រាជធានីភ្នំពេញ ៖ ជនជាតិវៀតណាមម្នាក់ ត្រូវរថយន្តដឹកខ្សាច់មួយគ្រឿង បើកបុកនិងកិនចំដើមទ្រូងស្លាប់នៅនឹងកន្លែង ខណៈដែលជិះម៉ូតូមួយគ្រឿងសសៀរលើចំណែកផ្លូវបញ្ច្រាសទិស ដែលគ្រោះថ្នាក់នោះបានកើតឡើងកាលពីវេលាម៉ោង០១ និង១០នាទីរសៀលថ្ងៃទី១៦ មករា ស្ថិតតាមបណ្តោយផ្លូវជាតិលេខ៥នៅចំណុចមុខក្រុមហ៊ុនក្រឡុកស៊ីម៉ង់យីហោ «ជីធានខូអិលស៊ីធីឌី »ក្នុងភូមិស្វាយប៉ាក សង្កាត់ស្វាយប៉ាក ខណ្ឌប្ញស្សីកែវ ។
ជនរងគ្រោះដែលស្លាប់ឈ្មោះង្វៀង យ៉ាំងថាន់ អាយុ១៧ឆ្នាំ ជាជនជាតិវៀតណាម ជាសិស្សថ្នាក់ទី៩នៃវិទ្យល័យប្ញស្សីកែវ មានទីលំនៅភូមិពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ ។ ចំណែករថយន្ដដែលបុកនិងកិនមនុស្សស្លាប់ ម៉ាកហ៊ីណូ ពណ៌លឿង ពាក់ស្លាកលេខកណ្តាល3A-0183 អ្នកបើកបររត់គេចខ្លួនបាត់ស្រមោល ។
តាមប្រភពឱ្យដឹងថា នៅមុនពេលកើតហេតុ ជនរងគ្រោះជិះម៉ូតូម៉ាកM.S.X ពណ៌ខ្មៅ ពាក់ស្លាកលេខភ្នំពេញ 1GB-8297 មួយគ្រឿងតែម្នាក់ឯង ក្នុងល្បឿនលឿនធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូងគឺបើកបរសសៀលលើផ្លូវបញ្ច្រាសទិសដៅចរាចរណ៍ ។ លុះមកដល់កើតហេតុ រថយន្តបើកចេញពីក្នុងក្រុមហ៊ុនក្រឡុកស៊ីម៉ង់បត់ទៅទិសខាងជើង ក៏បុកនិងកិនចំដើមទ្រូង បណ្តាលឱ្យបែកថ្លើមស្លាប់ភ្លាមៗនៅនឹងកន្លែងកើតហេតុ។
បន្ទាប់ពីកិនមនុស្សស្លាប់ អ្នកបើកបរបានរត់គេចខ្លួនបាត់ ។
ចែករំលែកព័តមាននេះ