ខេត្តក្រចេះ ៖ គ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង៥ទៀបភ្លឺ ថ្ងៃទី១៦ ខែមករា ឆ្នាំ២០១៧ នៅលើផ្លូវជាតិលេខ៧ ស្ថិតក្នុងឃុំចង្ក្រង់ ស្រុកចិត្របុរី បណ្ដាលឲ្យមនុស្ស៣នាក់បានស្លាប់បាត់បង់ជីវិតភ្លាមៗ ចំណែក២នាក់ទៀតរងរបួសធ្ងន់ ។
នគរបាលចរាចរណ៍ស្រុកបានឲ្យដឹងថា មុនពេលកើតហេតុបុរស២នាក់កំពុងជួសជុលរថយន្តច្នៃដែលខូចចតនៅចិញ្ចើមផ្លូវ ខណៈដែលកំពុងចជួសជុលនោះស្រាប់តែរថយន្តរថយន្តកូរ៉េ១គ្រឿងបានបើកមកបុកបណ្ដាលឲ្យផ្លោងខ្ទាតស្លាប់ភ្លាមៗ ចំណែកអ្នកបើកបររថយន្តបង្កក៏បានស្លាប់ភ្លាមៗនៅកន្លែងកើតហេតុផងដែរ ក្រៅពីនោះមនុស្សប្រុសស្រី២នាក់ផ្សេងទៀតក៏បានរងរបួសធ្ងន់ផងដែរ ។
នគរបាលចរាចរណ៍ស្រុកបានឲ្យដឹងថា ជនរងគ្រោះដែលស្លាប់បាត់បង់ជីវិតមាន ១-អ៊ីត ទូច អាយុ៣១ឆ្នាំ មានទីលំនៅខេត្តត្បូងឃ្មុំ ជាអ្នកបើកបររថយន្តកូរ៉េបង្ក, ២-ឈ្មោះ ឈាង រឹទ្ឋ អាយុ៤៧ឆ្នាំ មានទីលំនៅក្រុងសៀមរាប និង ៣-ឈ្មោះ ឌុច ធូ អាយុ២៧ឆ្នាំ មានទីលំនៅខេត្តតាកែវ ។ ចំណែកជនរងគ្រោះដែលរងរបួសធ្ងន់ត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្យ ៕
ចែករំលែកព័តមាននេះ