ត្រឹម10ថ្ងៃនៃយុទ្ធនាការប្រឆាំងគ្រឿងញៀ.ន ចាប់ខ្លួន927នាក់ សង្ស័យរកគុកដាក់គ្មាន
រាជធានីភ្នំពេញ ៖ លេខាធិការដ្ឋាននៃយុទ្ធនាការប្រយុទ្ធប្រឆាំងគ្រឿងញៀ.ន បានបើកកិច្ចប្រជុំត្រួតពិនិត្យកាងារលេខាធិការដ្ឋាននៃយុទ្ធនាការលើកទី១
រាជធានីភ្នំពេញ ៖ លេខាធិការដ្ឋាននៃយុទ្ធនាការប្រយុទ្ធប្រឆាំងគ្រឿងញៀ.ន បានបើកកិច្ចប្រជុំត្រួតពិនិត្យកាងារលេខាធិការដ្ឋាននៃយុទ្ធនាការលើកទី១
រាជធានីភ្នំពេញ ៖ លេខាធិការដ្ឋាននៃយុទ្ធនាការប្រយុទ្ធប្រឆាំងគ្រឿងញៀន បានបើកកិច្ចប្រជុំត្រួតពិនិត្យកាងារលេខាធិការដ្ឋាននៃយុទ្ធនាការលើកទី១ រយៈពេល១០ថ្ងៃ កាលពីថ្ងៃទី១២ ខែមករា នៅសាលប្រជុំអគ្គស្នងការដ្ឋាន ក្រោមអធិបតីភាពលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ ។
យោងតាមរបាយការណ៍នៅក្នុងកិច្ចប្រជុំនេះបានឱ្យដឹងថា លទ្ធផលបង្ក្រាបអ្នកប្រើប្រាស់ និងជួញដូរគ្រឿងញៀនរយៈពេល១០ថ្ងៃ បានជិត៤០០ករណី ឃាត់ខ្លួន៩២៧នាក់ (ស្រី៥៥នាក់) ចាប់យកគ្រឿងញៀន៨៩៩,៥ក្រាម ក្នុងនោះមាន ICE ៧៧៦,០៦ក្រាមWY៣០,៥៨ក្រាម អិចស្ដាស៊ី៦០ក្រាម និងកេតាមីន១២,៨៦ក្រាម ម៉ូតូ៤១គ្រឿង រថយន្ត៤គ្រឿង អាវុធខ្លី១ដើម អាវុធកែច្នៃ៤ដើម និងទូរស័ព្ទដៃ១២៧គ្រឿង ។
នៅក្នុងចំណោមនោះ ករណីជួញដូរ២៤៣ករណី ឃាត់ខ្លួន៤៨៩នាក់(ស្រី៣៣នាក់) ករណីសំយោគ-កែច្នៃ១ករណី ឃាត់ខ្លួន៣នាក់ ករណីប្រើប្រាស់១៣១ករណី ឃាត់ខ្លួន៤៣១នាក់ (ស្រី១៥នាក់) ក្នុងនោះអប់រំធ្វើកិច្ចសន្យាបញ្ជូនឱ្យអាណាព្យាបាល៣៩នាក់ បញ្ជូនទៅតុលាការ៩១នាក់ និងបញ្ជូនទៅមណ្ឌលបណ្ដោះអាសន្នអប់រំព្យាបាលស្ដារនីតិសម្បទា៣០១នាក់ បង្ក្រាបតាមដីកា៤ដីកា ជាករណីជួញដូរគ្រឿងញៀន ឃាត់ខ្លួន៤នាក់ ។
លទ្ធផលបង្ក្រាបទាំងជិត៤០០ករណីនេះ គឺមន្ទីរប្រឆាំងគ្រឿងញៀនបង្ក្រាបបាន១ករណីឃាត់ខ្លួន២៩នាក់(ស្រី៤នាក់) និងកងរាជអាវុធហត្ថលើផ្ទៃប្រទេស បង្ក្រាបបាន២២ករណី ឃាត់ខ្លួន៤៨នាក់(ស្រី២នាក់) ។
សូមបញ្ជាក់ថា មេដឹកនាំប្រទេសប្រកាសបើកយុទ្ធនាការបង្ក្រាបគ្រឿងញៀន ពេលនេះប្រាកដជាទទួលបានការគាំទ្រយ៉ាងអស់ពីចិត្ត ពីប្រជាជនទូទាំងប្រទេស…ប្រាកដជាទទួលបានជោគជ័យ…ប្រាកដជាមានប្រសិទ្ធភាព ។
គ្រួសារណាដែលមានអ្នកញៀនថ្នាំ…គ្រួសារនោះកំពុងរងទុក្ខ…ទុក្ខដោយសារអ្នកញៀនថ្នាំបំផ្លាញគ្មានសល់…បំផ្លាញសេចក្តីសុខក្នុងគ្រួសារ និងអ្នកដទៃ…ទោះបីអប់រំណែនាំក៏លែងស្តាប់…ចាប់បានម្តងៗ…មិនយូរបានរួចមកវិញ បំផ្លាញកាន់តែខ្លាំង…អ្នកចាប់ដោះលែងក៏មាន…អ្នកច្បាប់ដោះលែងក៏មាន…
ប៉ុន្តែពេលនេះប្រមុខដឹកនាំប្រទេសប្រកាសបើកយុទ្ធនាការបង្ក្រាប…ប្រាកដជាមានការគាំទ្រ…ពេញចិត្តឱ្យបង្ក្រាប…ចូលរួមចង្អុលដើម្បីបង្ក្រាប…សង្ស័យរកគុកដាក់គ្មាន…សង្ស័យរកថង់ដាក់មិនបាន…ឆាប់លែងក៏មិនដឹង ?
តាមការកត់សម្គាល់កន្លងមក ថ្ងៃណាក៏មានការចាប់ខ្លួនជនពាក់ព័ន្ធនឹងគ្រឿងញៀនដែរ មានទាំងអ្នកចែកចាយ និងអ្នកប្រើប្រាស់ ហើយចំនួនអ្នកទោសគ្រឿងញៀនបានកើនឡើងយ៉ាងឆាប់រហ័សក្នុងពន្ធនាគារ ។ អ្វីដែលមជ្ឈដ្ឋានជាតិចាប់អារម្មណ៍ដែរនោះ គឺការបង្ក្រាបរាល់ថ្ងៃនេះចាប់បានតែអ្នកជួញដូរតូចតាច និងមិនសូវបានឃើញមានការចាប់ខ្លួនមេខ្លោងបានទេ ព្រោះឈ្មួញថ្នាំញៀនមានល្បិចខ្ពស់ណាស់ និងច្រើនតែបានក្លាយជាអ្នកមានទៀតផង ។
គួររម្លឹកឡើងវិញថា កាលពីថ្ងៃទី១៣ ធ្នូ ២០១៦ សម្ដេចអគ្គមហាសេនាបតីតេជោ ហ៊ុន សែន បានចុះហត្ថលេខាលើផែនការស្ដីពីយុទ្ធនាការប្រឆាំងគ្រឿងញៀនលើកទី១ ដែលមានរយៈពេល៦ខែ ដោយ់អនុវត្ដចាប់ពីថ្ងៃ1 មករា ដល់30 មិថុនា 2017 ។ ការដាក់ផែនការប្រឆាំងគ្រឿងញៀននេះ បានបង្ហាញថា ប្រមុខរាជរដ្ឋាភិបាលកម្ពុជាមានឆន្ទៈមោះមុត មិននៅស្ងៀមតទៅទៀតទេ ពីបញ្ហាគ្រឿងញៀនដែលកំពុងញាំញីសង្គមកម្ពុជាកាន់តែធ្ងន់ធ្ងរទៅៗនេះ ។ ប្រសិនបើមិនមានផែនការលុបបំបាត់ទេនោះ ផលវិបាកនានាអាចនឹងជះឥទ្ធិពលដល់សន្ដិសុខសង្គម និងសណ្ដាប់ធ្នាប់សាធារណៈមិនខានឡើយ ៕
ចែករំលែកព័តមាននេះ