រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លង CDC បានប្រកាសនៅថ្ងៃទី១៣ ខែសីហានេះថា ប្រទេសចិនរកឃើញផ្ទុះជំងឺឡានយ៉ា(Langya henipavirus ឬ LayV)…
រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លង CDC បានប្រកាសនៅថ្ងៃទី១៣ ខែសីហានេះថា ប្រទេសចិនរកឃើញផ្ទុះជំងឺឡានយ៉ា(Langya henipavirus ឬ LayV) បានឆ្លងទៅអ្នកជំងឺចំនួន៣៥នាក់ នៅខេត្តសានតុង និងខេត្តហឺណាននៃប្រទេសចិន ។
CDC កម្ពុជាបានបន្តថា ជំងឺឡានយ៉ានេះ បង្កឡើងដោយវីរុសឈ្មោះ ហេនីប៉ា (Henipavirus) ដែលធ្វើឱ្យអ្នកជំងឺមានរោគសញ្ញាដូចជា គ្រុនក្តៅ ក្អក អស់កំលាំង មិនឃ្លានអាហារ គ្រាប់ឈាមស និងប្លាកែតថយចុះ ។ គេសង្ស័យថា ជំងឺនេះឆ្លងមកពីប៉ះពាល់ជាមួយសត្វព្រៃ ជាពិសេសកណ្តុរព្រៃ និងប្រភេទសត្វកកេរ ។
CDC កម្ពុជាបញ្ជាក់ផងដែរថា ទោះបីជាយ៉ាងណា មិនមានភស្តុតាងណាមួយបញ្ជាក់ថា ជំងឺនេះអាចឆ្លងពីមនុស្សទៅមនុស្សនៅទេ ហើយជំងឺនេះក៏មិនមានឱសថព្យាបាល និងវ៉ាក់សាំងការពារផងដែរ ។ ចំពោះអត្រាស្លា.ប់ដែលបង្កឡើងដោយជំងឺឡានយ៉ានេះ CDCបានឱ្យដឹងថា មានអត្រាស្លាប់ខ្ពស់ជាងជំងឺកូវីដ-១៩ ៕
ចែករំលែកព័តមាននេះ