ប្រទេសចិន ៖ ការវិនិយោគដោយផ្ទាល់ពីបរទេសរបស់ចិន បានរក្សាកំណើនស្ថិរភាពកាលពីឆ្នាំមុន ដោយសារការវិនិយោគយ៉ាងខ្លាំងក្លានៅក្នុងផ្នែកឧស្សាហកម្មសេវាកម្ម ។
ក្រសួងពាណិជ្ជកម្មបានឱ្យដឹងក្នុងសេចក្តីថ្លែងការណ៍ថា
ប្រទេសចិន ៖ ការវិនិយោគដោយផ្ទាល់ពីបរទេសរបស់ចិន បានរក្សាកំណើនស្ថិរភាពកាលពីឆ្នាំមុន ដោយសារការវិនិយោគយ៉ាងខ្លាំងក្លានៅក្នុងផ្នែកឧស្សាហកម្មសេវាកម្ម ។
ក្រសួងពាណិជ្ជកម្មបានឱ្យដឹងក្នុងសេចក្តីថ្លែងការណ៍ថា នៅឆ្នាំ២០១៦ ការវិនិយោគដោយផ្ទាល់ពីបរទេសបានកើនឡើង៤,១%បើធៀបនឹងឆ្នាំ២០១៥ ឬស្មើនឹង១១៨ប៊ីលានដុល្លារអាមេរិក ។
កំណើនសេដ្ឋកិច្ចបានធ្លាក់ចុះពី៦,៤%នៅក្នុងឆ្នាំ២០១៥ ។ នៅក្នុងខែធ្នូ កន្លងមក លំហូរវិនិយោគដោយផ្ទាល់ពីបរទេសបានកើនឡើង៥,៧% ។
ការវិនិយោគផ្ទាល់ពីបរទេសនៅក្នុងវិស័យឧស្សាហកម្មសេវាកម្មបានកើនឡើង៨,៣% បើធៀបនឹងឆ្នាំទៅ ឬស្មើនឹង៥៧២ប៊ីលានយន់ មានអត្រា៧០,៣% នៃការវិនិយោគផ្ទាល់ពីបរទេសសរុប ។
ការវិនិយោគផ្ទាល់ពីបរទេសខាងផ្នែកផ្តល់សេវាកម្មមានបច្ចេកវិទ្យាខ្ពស់ បានកើនឡើងខ្លាំងដល់៨៦,១%ពីមួយឆ្នាំមុន ឬស្មើនឹង៩៥,៦ប៊ីលានយន់ ។
ក្រសួងនេះសន្មតថា សន្ទុះស្ថិរភាពនេះកើតឡើងដោយសារតែរដ្ឋាភិបាលបានបន្ធូរបន្ថយលើការរឹតបន្តឹងក្នុងតំបន់ពាណិជ្ជកម្មសេរី និងចាប់ផ្តើមដំណើរការវិនិយោគមានភាពសាមញ្ញ ។
កាលពីឆ្នាំមុន ការវិនិយោគដោយផ្ទាល់ពីបរទេសនៅតំបន់ពាណិជ្ជកម្មសេរីក្នុងទីក្រុង Shanghai, Guangdong, Tianjin និង Fujian បានកើនឡើង៨១,៣% ឬស្មើនឹង៨៨ប៊ីលានយន់ ។
ការវិនិយោគផ្ទាល់ពីសហរដ្ឋអាមេរិក បានកើនឡើង៥២,៦% ខណៈការវិនិយោគមកពីសហភាពអឺរ៉ុបកើនឡើង៤១,៣% ។ ចំណែកការវិនិយោគផ្ទាល់ពីប្រទេសជប៉ុនកើនឡើង១,៧%នៅក្នុងឆ្នាំ២០១៦ ដែលបានផ្លាស់ប្តូរការធ្លាក់ចុះអស់រយៈពេល២ឆ្នាំ ។
ក្រុមហ៊ុនបរទេសដែលបង្កើតឡើងថ្មីជាមួយការវិនិយោគជាង១០០លានដុល្លារអាមេរិក គឺបានកើនឡើងលើសពី៨៤០ក្រុមហ៊ុន ដោយអាជីវកម្មភាគច្រើនគ្របដណ្តប់ដោយបច្ចេកវិទ្យាខ្ពស់ ។
ដើម្បីទាក់ទាញការវិនិយោគផ្ទាល់ពីបរទេសកាន់តែច្រើនថែមទៀត អាជ្ញាធរចិនបានពិចារណាកែសម្រួលការណែនាំចូលទៅកាន់ទីផ្សារ ដោយបន្ធូរបន្ថយវិធានការតឹងរ៉ឹងពីចំនួន៩៣ មកត្រឹម៦២ ៕
ចែករំលែកព័តមាននេះ