រយះដូចកា.ប់នឹងពូថៅហូរឈាមរហូតស្លា.ប់
រាជធានីភ្នំពេញ ៖ យុវជនម្នាក់បានរយះមុខដូចគេកា.ប់មួយពូថៅហូរឈាមរហូតស្លា.ប់យ៉ាងអាណោចអាធ័ម ចំណែកម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ …
រាជធានីភ្នំពេញ ៖ យុវជនម្នាក់បានរយះមុខដូចគេកា.ប់មួយពូថៅហូរឈាមរហូតស្លា.ប់យ៉ាងអាណោចអាធ័ម ចំណែកម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ …
រាជធានីភ្នំពេញ ៖ យុវជនម្នាក់បានរយះមុខដូចគេកាប់មួយពូថៅហូរឈាមរហូតស្លាប់យ៉ាងអាណោចអាធ័ម ចំណែកម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយដែលកើតឡើងកាលពីវេលាម៉ោង១២ និង១៥នាទីរំលងអាធ្រាត្រឈានចូលថ្ងៃទី១៦ ខែមករា ឆ្នាំ២០១៧ នៅចំណុចមុខបុរីចំការមន តាមបណ្ដោយមហាវិថីព្រះនរោត្ដម សង្កាត់ទន្លេបាសាក់ ខណ្ឌចំការមន ។
ជនរងគ្រោះរងរបួសធ្ងន់ឈ្មោះ នួន អ៊ូប៉ៃ ភេទប្រុស អាយុ១៩ឆ្នាំ មុខរបរកម្មករ ស្នាក់នៅផ្ទះ១៧៥៣ ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ចំណែកជនរងគ្រោះដែលស្លាប់ឈ្មោះ ដន់ ភេទប្រុស អាយុ១៩ឆ្នាំ ជាសិស្ស ស្នាក់នៅភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
តាមសំដីជនរងគ្រោះដែលរងរបួសបែកក្បាលបានឲ្យដឹងថា ពួកគេទើបចេញពីដើរលេងនៅកោះពេជ្រ គោលបំណងត្រឡប់ទៅផ្ទះវិញនៅម្តុំចាក់អង្រែក្រោម ដោយបានជិះម៉ូតូធំម៉ាក KAWASAKI ពណ៌ស ពាក់ស្លាកលេខ ភ្នំពេញ 1FK-9990 ធ្វើដំណើរតាមផ្លូវព្រះនរោត្ដម ក្នុងទិសដៅពីជើងទៅត្បូងក្នុងល្បឿនលឿន និងស្រវឹងផង ខណៈមកដល់ចំណុចកើតហេតុ ដោយសារបើកលឿនពេក ហើយខ្លាចបុករថយន្តនៅខាងមុខ ទើបចាប់ហ្វ្រាំងទាំងបង្ខំក៏ដួលម៉ូតូចូលទៅក្រោមរថយន្តដឹកដីមួយគ្រឿងដែលធ្វើដំណើរស្របទិសគ្នាបណ្ដាលឲ្យអ្នកបើកម៉ូតូបោកផ្ទប់មុខទៅចំដែករថយន្តពីក្រោយរយះដូចគេកាប់មួយពូថៅហូរឈាមស្លាប់គួរឲ្យអាណោចអាធ័ម ចំណែកខ្លួនដែលអង្គុយខាងក្រោយរងរបួសបែកក្បាលខាងក្រោយហូរឈាម រួចត្រូវបានរថយន្តសង្គ្រោះដឹកយកទៅសង្គ្រោះនៅគ្លីនិកឯកជន សុខលាភមេត្រី ។ ភ្លាមៗនោះរថយន្តដឹកដីបានបន្ថែមល្បឿនបើករត់គេចខ្លួនបាត់ស្រមោល ។
ក្រោយពេលកើតហេតុ សពជនរងគ្រោះត្រូវសមត្ថកិច្ចធ្វើកំណត់ហេតុរួចបានរថយន្តដឹកសពដឹកយកទៅតម្កល់ទុកនៅវត្តតាំងកសាង ដើម្បីឲ្យសាច់ញាតិមកទទួលយកទៅធ្វើបុណ្យ ចំណែកម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីប្រគល់ឲ្យក្រុមគ្រួសារសាច់ញាតិរបស់ជនរងគ្រោះវិញ ៕
ចែករំលែកព័តមាននេះ