នាង Kirsten Dunst តារាសម្តែងល្បីឈ្មោះ អាយុ៣៤ឆ្នាំ ដែលចងសម្ព័ន្ធភាពស្នេហាជាមួយលោក Jesse Plemons មិត្តរួមអាជីពសម្តែង អាយុ២៨ឆ្នាំ ក្នុងរឿង«Fargo»បានភ្ជាប់ពាក្យរួចហើយ ។
«New York Post» ឱ្យដឹងថា តារាសម្តែងស្រីរូបនោះបានបង្ហាញចិញ្ចៀនពេជ្រត្រង់ម្រាមដៃនាងខាងឆ្វេង ក្នុងអំឡុងពេលចូលរួមពិធី«Palm Springs International Film Festival» លើកទី២៨ ខណៈពេលរបាយការណ៍បញ្ជាក់ថា ចិញ្ចៀនពេជ្រនោះប្រហែលមានទំហំ២ការាត់ ។
Kirsten និងលោក Jesse បាន លេចឮដំណឹងស្របគ្នាក្រោយពីមានគេឃើញពួកគេថើបគ្នានៅក្រៅឆាក កាលពីខែឧសភា ២០១៦ ក្នុងពេលកំពុងដើរកម្សាន្តនៅកាលីហ្វ៊័រនីញ៉ា ។ រឿងនោះកើតឡើងត្រឹមតែមួយខែ បន្ទាប់ពី Kirsten ចែកផ្លូវជាមួយលោក Garrett Hedlund តារាសម្តែងរួមគ្នាក្នុងរឿង«On the Road» ។
Kirsten ធ្លាប់និយាយពីរឿងរៀបការរបស់ខ្លួនថា «ខ្ញុំក៏ជាមនុស្សចង់រៀបការប្រសិនបើកើតឡើងក្នុងពេលមានអាយុជាង៣០ឆ្នាំ ហើយប្រហែលជារៀបចំឡើងក្នុងលក្ខណៈផ្ទាល់ខ្លួន នៅឯទីវាលមួយ មានពិធីជប់លៀង និងបើកចម្រៀងលក្ខណៈគ្រួសារ រួមទាំងមានមិត្តភក្តិចូលរួម» ៕
ចែករំលែកព័តមាននេះ