សារព័ត៌មានបរទេសផ្សាយថា សមត្ថកិច្ចប្រចាំពន្ធនាគារក្រុងហាន់ស្វ៊ីល រដ្ឋតិចសាស់ បានប្រហារជីវិតលោក Christopher Wilkins អាយុ៤៨ឆ្នាំ ដោយចាក់សារធាតុពុលទៅក្នុងឈាម កាលពីថ្ងៃទី១១ មករា ២០១៧ ។
លោក Christopher Wilkins មិនបានផ្តល់បណ្តាំចុងក្រោយអ្វីដល់សមត្ថកិច្ចទេ ហើយការប្រហារជីវិតនោះ ចាត់ទុកថាជាលើកទី៥៣៩ហើយ នៅក្នុងរដ្ឋតិចសាស់ ចាប់តាំងពីរដ្ឋាភិបាលក្រុងវ៉ាស៊ីនតោនចេញបញ្ជាឱ្យមានការប្រហារជីវិតនាឆ្នាំ១៩៧៦មក ។
លោក Christopher Wilkins គឺជាអ្នកទោសដំបូងរបស់ប្រទេសដែលទទួលការប្រហារជីវិតក្នុងឆ្នាំ២០១៧ ។ ការប្រហារជីវិតរបស់អ្នកទោស Wilkins បានកើតឡើងក្រោយពីតុលាការកំពូលបដិសេធការស្នើសុំរបស់ជនជាប់ចោទក្នុងដំណាក់កាលចុងក្រោយ ដើម្បីសុំឱ្យមានការបន្ធូរបន្ថយទោស ។
លោក Wilkins បានចាប់ខ្លួននៅឆ្នាំ១៩៩៧ ក្រោយពីធ្វើឃាតលោកវីលលី ហ្វ្រ៊ីម៉េន អាយុ៤០ឆ្នាំ និងលោកម៉ៃឃើល ស៊ីលវ៉ា អាយុ៣៣ឆ្នាំ ។
ដោយសារលោក Wilkins ទិញកូកាអីុនតម្លៃ២០ដុល្លារ បែរជាបានដុំថ្មទៅវិញ ទើបសងសឹកដោយសម្លាប់អ្នករកកម្រៃជើងសាទាំង២នាក់នោះ និងយកសពទៅបោះចោលដើម្បីបំបិទដាន ៕
ចែករំលែកព័តមាននេះ