សម ម៉ាណា បាត់មុខពីសិល្បៈលេចរូបភាពពាក់សក្តិ4
រាជធានីភ្នំពេញ៖ តារាសម្តែងកញ្ញាសម ម៉ាណា បាត់មុខពីពិភពសិល្បៈអស់រយៈពេលច្រើនខែមកហើយ ។ នាពេល ថ្មីៗកន្លងមកសម ម៉ាណា បានសាងភាពភ្ញាក់ផ្អើល ដោយគ្រងឯកសណ្ឋានយោធាពាក់សក្តិ៤ ។
រាជធានីភ្នំពេញ៖ តារាសម្តែងកញ្ញាសម ម៉ាណា បាត់មុខពីពិភពសិល្បៈអស់រយៈពេលច្រើនខែមកហើយ ។ នាពេល ថ្មីៗកន្លងមកសម ម៉ាណា បានសាងភាពភ្ញាក់ផ្អើល ដោយគ្រងឯកសណ្ឋានយោធាពាក់សក្តិ៤ ។
នៅពីក្រោយការបាត់មុខរបស់សម ម៉ាណា ត្រូវគេទម្លាយឱ្យដឹងថា នាងអាចនឹងផ្អាកការងារសិល្បៈក្នុងរយៈពេលវែង ឬលែងរវីរវល់តែម្តង ក្រោយពេលមានម្ចាស់ចិត្ត ។ ទោះជាយ៉ាងណាក្តី ម៉ាណាបានធ្វើឲ្យគេភ្ញាក់ផ្អើលជាមួយរូបថត គ្រងសម្លៀកបំពាក់ជាមន្ត្រីយោធាពាក់សក្តិ៤ ។
សម ម៉ាណាត្រូវគេចាត់ចូលក្នុងចង្កោមតារាសម្តែងល្បីឈ្មោះគួរសម ហើយសកម្មភាពច្រៀងរាំនិងបង្ហាញម៉ូដរបស់នាងលេចធ្លោមិនចាញ់សមាជិកក្រុមប៉ុន្មានឡើយ ។ ការបាត់មុខពីវិស័យសិល្បៈ ធ្វើឲ្យមានការសង្ស័យថាម៉ាណាអាចនឹងមានដំណឹងល្អគឺរៀបការ នាពេលឆាប់ៗ ហើយនឹងលែងនឹកនាការងារសិល្បៈតែម្តង ។ នាងកម្រនឹងបង្ហាញមុខក្នុងកម្មិវិធីរបស់អ្នកសិល្បៈណាស់ ។ អ្វីដែលធ្វើឲ្យគេភ្ញាក់ផ្អើល គឺក្រោយពីរូបថតមួយសន្លឹករបស់នាងបង្ហាញតាមហ្វេសប៊ុក ក្នុងឯកសណ្ឋានជាយោធាមានឋានៈជាវរសេនីយ៍ត្រីពាក់សក្តិ៤។ ការភ្ញាក់ផ្អើលនេះព្រោះតែគេមិនដែលដឹងថា នាងចូលបម្រើការងារជាយោធាចាប់តាំងពីឆ្នាំណាទេ ដែលសូម្បីតែអ្នករួមអាជីពក៏មិនដែលដឹងដែរ។
មិនទាន់អាចសុំការបញ្ជាក់ពីកញ្ញាសម ម៉ាណា បាននៅឡើយទេ ប៉ុន្តែកន្លងមកធ្លាប់លេចឮថានាងមានគូស្នេហ៍ជាអ្នកជំនួញ មានងារជាឧកញ៉ា ។ បុរសនោះជាអ្នកផ្ចុងផ្តើមនាងបើកហាងថែរក្សាសម្រស់នៅម្តុំខាងមុខស្ថានីយទូរទស្សន៍អាស៊ីអាគ្នេយ កាលពីប៉ុន្មានឆ្នាំមុននោះ ។ អ្នកសិល្បៈម្នាក់លើកឡើងថា ទោះបីជាមុខជំនួញបរាជ័យកន្លងមកក្តី ក៏សម ម៉ាណា នៅតែរស់ក្នុងជីវិតបែបហ៊ឺហាដដែល ដោយនាងមានរថយន្តទំនើបជិះ និងប្រើប្រាស់របស់របរ ថ្លៃៗ ។
តារាសម្តែង និងបង្ហាញម៉ូដសម ម៉ាណា ធ្លាប់ជាសមាជិករបស់ផលិតកម្ម «រៃមាសតាមាស» ជាផលិតកម្មនៅអាមេរិក ៕
ចែករំលែកព័តមាននេះ