ជំងឺទឹកនោមផ្អែមជាប្រភេទជំងឺដ៏កាចសាហាវដូច្នេះអ្នកត្រូវតែមានវិធីសាស្ត្រទប់ស្តាត់វាជាបន្ទាន់ កុំឱ្យឈានទៅស្ថានភាពធ្ងន់ធ្ងរទាន់។ ជំងឺទឹកនោមផ្អែមអាចធ្វើឲ្យមនុស្សពេញវ័យពិការភ្នែកបាន ។ ជំងឺនេះក៏បណ្តាលឱ្យអ្នកមានបញ្ហាក្នុងការមើលឃើញ ជំងឺបេះដូង និងប៉ះពាល់ភាពអវិជ្ជមានដល់ក្នុងរាងកាយ ។ អត្ថបទខាងក្រោមនេះនឹងប្រាប់អ្នកពីវិធីមួយចំនួនក្នុងការការពារជំងឺទឹកនោមផ្អែម ៖
១-គ្រប់គ្រងទម្ងន់របស់អ្នក ៖ អ្នកត្រូវគ្រប់គ្រងទម្ងន់របស់អ្នកឲ្យបានល្អ ដើម្បីអាចគ្រប់គ្រងបាន អ្នកត្រូវធ្វើលំហាត់ប្រាណឲ្យបានទៀងទាត់ ។ ការធ្វើលំហាត់ប្រាណមិនត្រឹមតែអាចគ្រប់គ្រងទម្ងន់របស់អ្នកបាននោះទេ វាថែមទាំងអាចជួយដុតបំផ្លាញកាឡូរីនិងធ្វើឲ្យអ្នកមានសុខភាពល្អ។ ដើម្បីទប់ស្កាត់ការឡើងទម្ងន់ដែលអ្នកមិនចង់បាន ចូរកុំបរិភោគអាហារក្នុងបរិមាណដ៏ច្រើន ហើយត្រូវទទួលទានទឹកមួយកែវកន្លះមុនពេលបរិភោគអាហារ ។
២-រក្សាជាតិទឹកក្នុងរាងកាយ ៖ ជួនកាល រាងកាយមិនអាចបែងចែករវាងការឃ្លាន ឬការស្រេកបាននោះទេ ដូច្នេះវាគឺជាការចាំបាច់ក្នុងការរក្សារជាតិទឹកក្នុងខ្លួនឲ្យបានគ្រប់គ្រាន់ជាជាងការជំរុញឱ្យរាងកាយទទួលយកជាតិរាវតាមរយៈអាហារ ។
៣-បរិភោគបន្លែឲ្យបានគ្រប់គ្រាន់ ៖ នៅពេលដែលអ្នកបរិភោគអាហារ សូមទទួលទានបន្លែឲ្យបានច្រើន ហើយបន្ទាប់ពីនោះអ្នកអាចបរិភោគអាហារផ្សេងទៀតបាន។ វិធីសាស្ត្រនេះនឹងធ្វើឱ្យអ្នកឆាប់មានអារម្មណ៍ថាឆ្អែត ហើយជួយមិនឲ្យអ្នកបរិភោគច្រើន ។
៤-កុំមើលទូរទស្សន៍នៅពេលបរិភោគ ៖ កុំមើលទូរទស្សន៍នៅពេលណាដែលអ្នកបរិភោគ បើមិនដូច្នេះទេ អ្នកនឹងទទួលទានអាហារកាន់តែច្រើន ។ ការទទួលទានបង្អែមអាចជួយរក្សាជាតិស្ករក្នុងឈាមរបស់អ្នកក្នុងកម្រិតសុវត្ថិភាព និងកាត់បន្ថយបរិមាណកាឡូរីដែលអ្នកទទួលទានតាមអាហារ ។
៥-ភាពតានតឹង ៖ ចូរចៀសឲ្យឆ្ងាញពីភាពតានតឹង ។ ភាពតានតឹងត្រូវបានគេរកឃើញថា ជាមូលហេតុចម្បងមួយនៃការកើតជំងឺទឹកនោមផ្អែម។ ការតាំងសមាធិ និងការធ្វើលំហាត់ប្រាណ អាចធ្វើឲ្យអ្នកចៀសឆ្ងាយពីភាពតានតឹង ៕
ចែករំលែកព័តមាននេះ