រាជធានីភ្នំពេញ ៖ ការមិនស្តាប់បង្គាប់ គឺជាបញ្ហាអាកប្បកិរិយាទូទៅក្នុងចំណោមកុមារ ។ នៅពេលអ្នកប្រាប់កូនរបស់អ្នក ហើយពួកគេធ្វើពុតជាមិនឮ គឺដល់ពេលត្រូវចាត់វិធានការសមស្រប និងជំរុញពួកគេឱ្យចាប់ផ្តើមស្តាប់អ្នក ។…
រាជធានីភ្នំពេញ ៖ ការមិនស្តាប់បង្គាប់ គឺជាបញ្ហាអាកប្បកិរិយាទូទៅក្នុងចំណោមកុមារ ។ នៅពេលអ្នកប្រាប់កូនរបស់អ្នក ហើយពួកគេធ្វើពុតជាមិនឮ គឺដល់ពេលត្រូវចាត់វិធានការសមស្រប និងជំរុញពួកគេឱ្យចាប់ផ្តើមស្តាប់អ្នក ។ ខាងក្រោមនេះ គឺជាជំហានហ៊ានងាយៗ ដើម្បីដោះស្រាយការមិនស្តាប់បង្គាប់ ៖
១. ផ្តល់ការយកចិត្តទុកដាក់ជាវិជ្ជមាន ៖ ចូរផ្តល់ឱ្យកូនរបស់អ្នកនូវការយកចិត្តទុកដាក់ជាវិជ្ជមានប្រចាំថ្ងៃ ។ ចំណាយពេលនិយាយ ឬដើរលេងជាមួយគ្នា ។
២. សរសើរអាកប្បកិរិយាល្អរបស់កូន ៖ វាជាការសំខាន់ក្នុងការស្វែងរកអាកប្បកិរិយាល្អដើម្បីសរសើរ ។ នៅតុអាហារពេលល្ងាច អ្នកអាចនិយាយថា «កូន ! រៀបចំតុញ៉ាំបាយឱ្យប៉ាបន្តិច» ភ្លាមៗនៅពេលពួកគេធ្វើតាមអ្នក ចូរអ្នកនិយាយថា អរគុណកូនសម្រាប់ការរៀបចំតុបាយ នៅពេលប៉ាស្នើសុំឱ្យកូនធ្វើ ។ ការសរសើរនេះបង្ហាញថា អ្នកពេញចិត្តចំពោះការធ្វើតាមរបស់ពួកគេ ។
៣. ផ្តល់ការណែនាំប្រកបដោយប្រសិទ្ធភាព ៖ ប្រសិនបើកូនរបស់អ្នកមិនឮអ្នក ឬពួកគេរវល់នឹងការលេងហ្គេមវីដេអូរបស់ពួកគេ អ្នកប្រហែលជាត្រូវផ្លាស់ប្តូររបៀបនៃការណែនាំ ។ ការបង្កើតទំនាក់ទំនងភ្នែក ឬដាក់ដៃលើស្មារបស់ពួកគេ នឹងជួយអ្នកឱ្យទទួលបានការចាប់អារម្មណ៍មុនពេលអ្នកនិយាយ ។ បិទសំឡេងរំខាន ហើយត្រូវប្រាកដថា កូនរបស់អ្នកកំពុងយកចិត្តទុកដាក់ ដូច្នេះពួកគេអាចស្រូបយកអ្វីដែលអ្នកកំពុងប្រាប់ពួកគេឱ្យធ្វើ ។
៤. ផ្តល់ជូនជម្រើសជាក់លាក់ ៖ មធ្យោបាយដ៏ល្អបំផុតមួយដើម្បីប្រឆាំងនឹងអាកប្បកិរិយាដែលរឹងរូស គឺផ្តល់ជម្រើសពីរ ។ នៅពេលអ្នកផ្តល់ជម្រើស កូនរបស់អ្នកមានអារម្មណ៍ថា ពួកគេមានការគ្រប់គ្រងលើស្ថានភាពខ្លះ ។ ចៀសវាងសំណួរដូចជា តើអ្នកចង់ស្លៀកពាក់ឥឡូវនេះទេ ? ព្រោះក្មេងដែលរឹងរូសនឹងនិយាយដោយស្វ័យប្រវត្តិថា ទេ ។ សួរសំណួរដូចជា តើអ្នកចង់ពាក់អាវក្រហម ឬអាវលឿង ? គ្រាន់តែត្រូវប្រាកដថា អ្នកអាចរស់នៅជាមួយជម្រើសរបស់កូនអ្នក មុនពេលផ្តល់ជម្រើស ។
៥. ប្រើច្បាប់វិន័យ ៖ ច្បាប់វិន័យត្រូវដាក់បញ្ចូលអ្វីៗជាការលើកទឹកចិត្ត ជាជាងការចង្អុលបង្ហាញពីផលវិបាកអវិជ្ជមាន វាអាចជាមធ្យោបាយដ៏ល្អបំផុតមួយដើម្បីលើកទឹកចិត្តឱ្យមានការអនុលោមតាមច្បាប់ ។ នៅពេលប្រើជាប្រចាំ កុមារចាប់ផ្តើមឃើញថា ពួកគេមានការគ្រប់គ្រងខ្លះៗនៅពេលពួកគេទទួលបានឯកសិទ្ធិរបស់ពួកគេ ។ ដូច្នេះជំនួសឱ្យការនិយាយថា កូនមិនអាចលេងហ្គេមវីដេអូបានទេ ពីព្រោះកូនមិនបានសម្អាតបន្ទប់ សូមព្យាយាមនិយាយថា កូនអាចលេងហ្គេមវីដេអូបានភ្លាមៗនៅពេលអ្នកសម្អាតបន្ទប់របស់កូនរួចរាល់ ។ ការផ្លាស់ប្តូរបន្តិចបន្តួចនៅក្នុងសាររបស់អ្នកអាចជំរុញកូនឱ្យធ្វើការ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សម្រាប់បវេសនកាលឆ្នាំសិក្សាថ្មី កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចូលរៀនថ្ងៃទី ៥ ខែកញ្ញា ឆ្មាំ ២០២២ ចំពោះកម្មវិធីអប់រំមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស កម្មវិធីភាសាចិន ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ