គ្រោះថ្នាក់ចរាចរណ៍ដ៏រន្ធត់ ! កិនឡើងខ្ទេចមើលសពលែងយល់
រាជធានីភ្នំពេញ ៖ រថយន្តដឹកទំនិញធុនធ្ងន់មួយគ្រឿងខណៈបោះពួយបង្ខំឲ្យផុតស្តុបស្រាប់តែជ្រុលទៅបុកម៉ូតូពេញទំហឹង ហើយកិនអ្នកបើកម៉ូតូឡើងខ្ទេចក្បាលមើលលែង …
រាជធានីភ្នំពេញ ៖ រថយន្តដឹកទំនិញធុនធ្ងន់មួយគ្រឿងខណៈបោះពួយបង្ខំឲ្យផុតស្តុបស្រាប់តែជ្រុលទៅបុកម៉ូតូពេញទំហឹង ហើយកិនអ្នកបើកម៉ូតូឡើងខ្ទេចក្បាលមើលលែង …
រាជធានីភ្នំពេញ ៖ រថយន្តដឹកទំនិញធុនធ្ងន់មួយគ្រឿងខណៈបោះពួយបង្ខំឲ្យផុតស្តុបស្រាប់តែជ្រុលទៅបុកម៉ូតូពេញទំហឹង ហើយកិនអ្នកបើកម៉ូតូឡើងខ្ទេចក្បាលមើលលែងយល់ស្លាប់យ៉ាងអាណោចអាធ័មកាលពីវេលាម៉ោង៦ និង៣០នាទីព្រឹក ថ្ងៃទី១៥ ខែមករា ឆ្នាំ២០១៧ នៅចំណុចផ្លូវភ្នំពេញហាណូយ(១០១៩)កែងផ្លូវសម្តេច ជា ស៊ីម ស្ថិតភូមិប៉ាយាប សង្កាត់ភ្នំពេញថ្មី ខណ្ឌសែនសុខ ។
ជនរងគ្រោះឈ្មោះ រិទ្ធិ ចាន់ ភេទប្រុស អាយុ២៦ឆ្នាំ ជាកម្មករសំណង់ ស្នាក់នៅភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ និងមានស្រុកកំណើត ភូមិចេកធ្លក ឃុំត្រពាំងស្រែ ស្រុកមេសាង ខេត្តព្រៃវែង ។ ចំណែករថយន្តបង្កម៉ាកហ៊ីយ៉ាន់ដាយ ពណ៌ខៀវលាយលឿងលាយក្រហម ពាក់ស្លាកលេខ ភ្នំពេញ 3D-5797 បើកបរដោយបុរសម្នាក់ឈ្មោះ ទូច សិន ភេទប្រុស អាយុ៣១ឆ្នាំ បច្ចុប្បន្ននៅភូមិក្តីរុណ ឃុំខ្វាវ ស្រុកទ្រាំង ខេត្តតាកែវ ។
ប្រភពព័ត៌មានពីកន្លែងកើតហេតុបានឲ្យដឹងថា នៅព្រឹកកើតហេតុគេឃើញរថយន្តដឹកទំនិញធុនធ្ងន់ខាងលើបើកបរក្នុងទិសដៅពីជើងទៅត្បូងក្នុងល្បឿនលឿន ខណៈមកដល់ស្តុបភ្លើងជិតលោតចេញពណ៌លឿងក៏បន្ថែមល្បឿនដើម្បីឲ្យផុត ហើយក៏បានជ្រុលទៅបុកម៉ូតូម៉ាកហុងដា ឌ្រីម សេ១២៥ ស៊េរីឆ្នាំ២០១៥ ពណ៌ខ្មៅ ដែលបើកបរក្នុងទិសដៅពីកើតទៅលិចពេញទំហឹង ហើយកិនម៉ូតូ និងអ្នកបើកបរឡើងខ្ទេចក្បាលស្លាប់យ៉ាងអាណោចអាធ័ម ។
ប្រភពបន្តថា បន្ទាប់ពីបង្កគ្រោះថ្នាក់ភ្លាមអ្នកបើកបរចុះរត់គេចខ្លួនភ្លាម តែត្រូវប្រជាពលរដ្ឋនាំគ្នាចាប់ខ្លួន និងស្វាគមន៍មួយដៃមួយជើងរួចប្រគល់ឲ្យសមត្ថកិច្ច ។
បើតាមអ្នកបើកបររថយន្តបង្កបានឲ្យសមត្ថកិច្ចដឹងថា មុនកើតហេតុខ្លួនបានបើករថយន្តធុនធ្ងន់ដឹកទំនិញចេញមកពីប្រទេសថៃក្នុងគោលបំណងទៅទម្លាក់នៅក្នុងឃ្លាំងម្តុំលូ៥ ស្រាប់តែមកដល់ចំណុចស្តុបភ្លើងពណ៌ខៀវក៏ជាន់បន្ថែមល្បឿន បានពាក់កណ្តាលទើបភ្លើងពណ៌លឿង ស្របពេលនោះម៉ូតូមួយគ្រឿងបើកបរក្នុងល្បឿនលឿនដែរក៏បុកពេញទំហឹងបណ្តាលឲ្យស្លាប់អ្នកបើកម៉ូតូតែម្តង ។
ក្រោយពេលកើតហេតុ រថយន្ត និងម៉ូតូ ព្រមទាំងអ្នកបើកបររថយន្តត្រូវបានសមត្ថកិច្ចនាំទៅការិយាល័យចរាចរណ៍ផ្លូវគោករង់ចាំដោះស្រាយតាមច្បាប់ ។ ចំណែកសពជនរងគ្រោះប្រគល់ឲ្យក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ