បង្ក្រាបបទល្មើសនេសាទដកហូតស្បៃមុងបានជាច្រើនម៉ែត្រ
- ឧត្តរមានជ័យ
គណៈបញ្ជាការឯកភាពស្រុកអន្លង់វែង កាលពីព្រឹកថ្ងៃទី១០ ខែសីហា ឆ្នាំ២០២២កន្លងទៅ បានដឹកនាំកម្លាំងចម្រុះទៅបង្ក្រាបបទល្មើសនេសាទ នៅអាង
គណៈបញ្ជាការឯកភាពស្រុកអន្លង់វែង កាលពីព្រឹកថ្ងៃទី១០ ខែសីហា ឆ្នាំ២០២២កន្លងទៅ បានដឹកនាំកម្លាំងចម្រុះទៅបង្ក្រាបបទល្មើសនេសាទ នៅអាង
ខេត្តឧត្តរមានជ័យ ៖ គណៈបញ្ជាការឯកភាពស្រុកអន្លង់វែង កាលពីព្រឹកថ្ងៃទី១០ ខែសីហា ឆ្នាំ២០២២កន្លងទៅ បានដឹកនាំកម្លាំងចម្រុះទៅបង្ក្រាបបទល្មើសនេសាទ នៅអាងអូរជីកស្ថិតក្នុងភូមិថ្នល់កែង និងភូមិកោះថ្មី ឃុំអន្លង់វែង ស្រុកអន្លង់វែង ។
ប្រតិបត្តិការបង្ក្រាបនេះ ដឹកនាំដោយអនុសេនីយ៍ត្រី អោម ចន្ទរស្មី ជំនួយការកងរាជអាវុធហត្ថស្រុកអន្លង់វែង សហការជាមួយកម្លាំងនគរបាលស្រុកអន្លង់វែង និងប្រជាការពារ ដឹកនាំរួមដោយលោក ងួន លីន នាយករដ្ឋបាលសាលាស្រុក ។
លោក អោម ចន្ទរស្មី បានឱ្យដឹងថា ក្រោយពីទទួលបានព័ត៌មានរាយការណ៍ថា មានករណីនេសាទល្មើសច្បាប់នៅចំណុចខាងលើ វរសេនីយ៍ឯក ងួន ទ្ធីរិទ្ធ មេបញ្ជាការកងរាជអាវុធហត្តស្រុកអន្លង់វែង បានបញ្ជាឲ្យរូបលោកសហការជាមួយកម្លាំងឯកភាពស្រុក ចុះបង្ក្រាបជាក់ស្តែងនៅចំណុចអាងអូរជីក ហើយរដូវនេះជារដូវត្រីពងថែមទៀត ។
បើតាមមន្ត្រីអាវុធហត្ថស្រុកអន្លង់វែង ឲ្យដឹងថា ជាលទ្ធផលក្នុងការបង្ក្រាបនេះ សមត្ថកិច្ចបានដកហូតវត្ថុតាងមាន ស្បៃមុង១៦ផ្ទាំងប្រវែង៣០០មែត្រ និងឧបករណ៍ល្មើសនេសាទជាច្រើនទៀត ។ វត្ថុតាងទាំងអស់ ត្រូវបានយកទៅរក្សាទុកនៅសាលាស្រុកអន្លង់វែង ដើម្បីដុតកម្ទេចចោលនៅពេលក្រោយ ៕
ចែករំលែកព័តមាននេះ