ហួសហេតុ ! បង្ខាំងទុកក្នុងផ្ទះសំណាក់ដើម្បីសុំស្នេហ៍ជាថ្មី
ខេត្តស្ទឹងត្រែង ៖ បុរសម្នាក់ត្រូវបានកម្លាំងអាវុធហត្ថក្រុងស្ទឹងត្រែងចាប់ខ្លួនកាលពីវេលាម៉ោង៥ និង៣០នាទីល្ងាច ថ្ងៃទី១៤ ខែមករា ឆ្នាំ២០១៧ នៅក្នុងផ្ទះសំណាក់យីហោ …
ខេត្តស្ទឹងត្រែង ៖ បុរសម្នាក់ត្រូវបានកម្លាំងអាវុធហត្ថក្រុងស្ទឹងត្រែងចាប់ខ្លួនកាលពីវេលាម៉ោង៥ និង៣០នាទីល្ងាច ថ្ងៃទី១៤ ខែមករា ឆ្នាំ២០១៧ នៅក្នុងផ្ទះសំណាក់យីហោ «ហេងជីវ៉ា» ដែលមានទីតាំងនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង បន្ទាប់ពីបុរសរូបនោះបានចាប់បង្ខាំងអតីតប្រពន្ធរបស់ខ្លួនដើម្បីសុំស្នេហ៍ជាថ្មី ។
ប្រភពពីអាវុធហត្ថក្រុងស្ទឹងត្រែងបានឲ្យដឹងថា ជនសង្ស័យដែលត្រូវឃាត់ខ្លួនឈ្មោះ ខេន លីហុង ភេទប្រុស អាយុ៣៥ឆ្នាំ ជាតិខ្មែរ មុខរបរបើកបរ ស្រុកកំណើតនៅភូមិកំពង់ក្របី ឃុំក្រគរ ស្រុកកំពង់សៀម ខេត្តកំពង់ចាមចំណែកស្ត្រីរងគ្រោះឈ្មោះ ផាត សុឈៀក ភេទស្រី អាយុ២៧ឆ្នាំ ជាតិខ្មែរ នៅភូមិលើ សង្កាត់ស្រះឫស្សី ក្រុងស្ទឹងត្រែង ។
ប្រភពបន្តទៀតថា ជនសង្ស័យ និងស្ត្រីរងគ្រោះ ជាប្តីប្រពន្ធគ្នា ដែលទើបតែលែងលះគ្នារយៈពេល៣ខែប៉ុណ្ណោះ ហើយដោយជនសង្ស័យមិនដាច់ចិត្តពីអតីតប្រពន្ធ ទើបធ្វើសកម្មភាពចាប់បង្ខាំងក្នុងផ្ទះសំណាក់យីហោ «ហេងជីវ៉ា» ដើម្បីសុំស្នេហ៍ជាថ្នី ។
អាវុធហត្ថក្រុងស្ទឹងត្រែងបញ្ជាក់ថា ក្រោយពេលឃាត់ខ្លួន ជនសង្ស័យត្រូវបានបញ្ជូនទៅទីបញ្ជាការអាវុធហត្ថដើម្បីធ្វើការសាកសួរ និងកសាងសំណុំរឿងចាត់ការបន្តតាមនីតិវិធីច្បាប់ ៕
ចែករំលែកព័តមាននេះ