យន្តហោះចម្បាំងរុស្ស៊ីជាច្រើនគ្រឿងត្រូវបំផ្លាញក្រោយផ្ទុះកក្រើកមូលដ្ឋានទ័ពគ្រីមៀ
រុស្ស៊ី ៖ រូបភាពថ្មីៗរបស់ផ្កាយរណបបានបង្ហាញថា យន្តហោះចម្បាំងយ៉ាងតិច ៧គ្រឿងត្រូវបានបំផ្លាញ
រុស្ស៊ី ៖ រូបភាពថ្មីៗរបស់ផ្កាយរណបបានបង្ហាញថា យន្តហោះចម្បាំងយ៉ាងតិច ៧គ្រឿងត្រូវបានបំផ្លាញនៅមូលដ្ឋានទ័ពអាកាសនៅឧបទ្វីបគ្រីមៀ (Crimea) របស់រុស្ស៊ី។ ការបញ្ចេញរូបភាពនោះកើតឡើងបន្ទាប់ពីអ៊ុយក្រែននិយាយថា យន្តហោះចំនួន ៩គ្រឿងត្រូវបានបំផ្លាញនៅក្នុងការផ្ទុះដ៏កក្រើកនៅមូលដ្ឋានទ័ពរុស្ស៊ី។
រូបភាពដែលបានផ្តល់ដោយស្ថាប័ន Planet Labs PBC និងត្រូវបានថតនៅរសៀលថ្ងៃពុធ ទី ១០សីហា បានផ្ចាញ់ការអះអាងរបស់រុស្ស៊ីដែលថា ការផ្ទុះកាលពីថ្ងៃអង្គារ ទី ៩ ដែលសម្លា.ប់មនុស្សម្នាក់ និងធ្វើឲ្យរបួស ១៤នាក់ មិនបង្កការខូចខាតធ្ងន់ធ្ងរនោះទេ។
យោធារុស្ស៊ីនិយាយថា គ្មានយន្តហោះណាមួយត្រូវបានបំផ្លាញឡើយក្នុងការផ្ទុះនោះ និងបានស្តីបន្ទោសហេតុការណ៍នោះថាមកពីការផ្ទុះគ្រាប់រំសេវដែលត្រូវបានរក្សាទុក។
អ៊ុយក្រែនមិនបានអះអាងផ្លូវការថាការវា.យប្រហារនោះជាទំនួសខុសត្រូវរបស់ខ្លួនឡើយ។ ប៉ុន្តែលោក Oleksiy Arestovych ទីប្រឹក្សាប្រធានាធិបតីអ៊ុយក្រែនបាននិយាយថា ហេតុការផ្ទុះនោះបណ្តាលមកពីអាវុ.ធរយៈចំងាយឆ្ងាយរបស់អ៊ុយក្រែន ឬដោយសារស្នាដៃរបស់យុទ្ធអ៊ុយក្រែនដែលប្រតិបត្តិការនៅតំបន់គ្រីមៀ។
នៅពេលជាមួយគ្នានេះដែរ មន្ត្រីអ៊ុយក្រែនដែលសុំមិនបញ្ចេញឈ្មោះបានថ្លែងប្រាប់កាសែត The Washington Post នៅថ្ងៃពុធដូច្នេះថា ការផ្ទុះនៅមូលដ្ឋានទ័ពអាកាសរុស្ស៊ីគឺជាលទ្ធផលនៃការវា.យប្រហារដោយកងកម្លាំងពិសេសរបស់អ៊ុយក្រែន។
មូលដ្ឋានទ័ពអាកាសរបស់រុស្ស៊ីនោះស្ថិតនៅចំងាយយ៉ាងតិច ២០០គីឡូម៉ែត្រពីទីតាំងជិតបំផុតរបស់អ៊ុយក្រែន។
អ្នកវិភាគបានសង្ស័យថា ការខូចខាតទាំងនោះអាចបណ្តាលមកពីការផ្ទុះដោយចៃសន្យ ដោយវិទ្យាស្ថានសម្រាប់ការសិក្សាពីសង្គ្រាមដែលមានមូលដ្ឋាននៅទីក្រុងវ៉ាស៊ីនតោននិយាយថា ខណៈដែលវាមិនអាចត្រូវបានគេកំណត់ដោយឯករាជ្យពីមូលហេតុ ការផ្ទុះទាំងនោះទំនងជាមិនកើតឡើងដោយសារការវា.យប្រហារដោយមីស៊ីលនោះទេ។
នៅក្នុងសុន្ទរកថាមួយក្រោយពេលមានហេតុការណ៍ផ្ទុះនៅមូលដ្ឋានទ័ពអាកាសរុស្ស៊ី ប្រធានាធិបតីអ៊ុយក្រែនលោក Volodymyr Zelenskjy ប្តេជ្ញាថានឹងដណ្តើមយកឧបទ្វីបវិញឲ្យបាន៕ (យោងតាមប្រភព៖ Aljazeera)
ចែករំលែកព័តមាននេះ