ដោះលែងលោក ឌិន ពុទ្ធី ឱ្យចេញពីពន្ធនាគារខេត្តបន្ទាយមានជ័យហើយ
ខេត្តបន្ទាយមានជ័យ ៖ នៅមុននេះបន្តិច លោកឌិន ពុទ្ធី ប្រធានសមាគមពង្រឹងសេដ្ឋកិច្ចក្រៅប្រព័ន្ធហៅកាត់ថា CIERA ត្រូវបានតុលាការដោះលែងឱ្យចេញពីពន្ធនាគារ
ខេត្តបន្ទាយមានជ័យ ៖ នៅមុននេះបន្តិច លោកឌិន ពុទ្ធី ប្រធានសមាគមពង្រឹងសេដ្ឋកិច្ចក្រៅប្រព័ន្ធហៅកាត់ថា CIERA ត្រូវបានតុលាការដោះលែងឱ្យចេញពីពន្ធនាគារខេត្តបន្ទាយមានជ័យហើយ នៅម៉ោង១១និង៤៥នាទី ថ្ងៃទី១៤ ខែមករា ឆ្នាំ២០១៧ ។ នេះបើតាមសេចក្តីរាយការណ៍ពីមន្ដ្រីពន្ធនាគារខេត្តបន្ទាយមានជ័យ ។
លោក ឌិន ពុទ្ធី ដែលជាប់ចោទរឿងបើករថយន្តបុកមន្ដ្រីអន្ដោប្រវេសន៍ប្រចាំច្រកទ្វារអន្តរជាតិប៉ោយប៉ែត ត្រូវបានសភាស៊ើបសួរសាលាឧទ្ធរណ៍សម្រេចឱ្យ នៅក្រៅឃុំជាបណ្តោះអាសន្ន ។
លោក គីម សុជាតិ មេធាវីការពារក្ដីលោក ឌិន ពុទ្ធី បញ្ជាក់នៅព្រឹកថ្ងៃទី១៣ ខែមករាថា ក្រោយបើកសវនាការជាអសាធារណៈ លោក ងួន រតនា ប្រធានក្រុមប្រឹក្សាជំនុំជម្រះសភាស៊ើបសួរសាលាឧទ្ធរណ៍ សម្រេចដោះលែងលោក ឌិន ពុទ្ធី ឲ្យនៅក្រៅឃុំបណ្តោះអាសន្ន ដោយភ្ជាប់លក្ខខណ្ឌ ពោលគឺមិនត្រូវផ្លាស់ប្ដូរទីលំនៅ និងត្រូវចូលបំភ្លឺ តាមដីកាកោះរបស់តុលាការជាដើម ។ ក្នុងសវនាការនោះ គឺគ្មានវត្តមានលោក ឌិន ពុទ្ធី នោះទេ ប៉ុន្តែមេធាវីការពារក្ដីបានចូលរួមសវនាការដើម្បីតតាំងតាមនីតិវិធីច្បាប់ ៕
ចែករំលែកព័តមាននេះ