ចិនហៅអាមេរិកថាជាមេភ្លើងបង្កវិបត្តិអ៊ុយក្រែន
ចិន ៖ ប្រទេសចិន ដែលជាសម្ព័ន្ធមិត្តរបស់រុស្ស៊ី បានហៅសហរដ្ឋអាមេរិកថាជាអ្នកញុះញង់នៃវិបត្តិ
ចិន ៖ ប្រទេសចិន ដែលជាសម្ព័ន្ធមិត្តរបស់រុស្ស៊ី បានហៅសហរដ្ឋអាមេរិកថាជាអ្នកញុះញង់នៃវិបត្តិ
ចិន ៖ ប្រទេសចិន ដែលជាសម្ព័ន្ធមិត្តរបស់រុស្ស៊ី បានហៅសហរដ្ឋអាមេរិកថាជាអ្នកញ៉ុះញ៉ង់នៃវិបត្តិអ៊ុយក្រែន។
នៅក្នុងកិច្ចសម្ភាន៍ជាមួយទីភ្នាក់ងារសារព័ត៌មានរដ្ឋរុស្ស៊ី TASS កាលពីថ្ងៃពុធ ទី ១០សីហា លោក Zhang Hanhui ឯកអគ្គរដ្ឋទូតចិនប្រចាំទីក្រុងម៉ូស្កូ បានចោទទីក្រុងវ៉ាស៊ីនតោនថាបានរុញច្រានរុស្ស៊ីឲ្យចូលក្នុងជ្រុងមួយ ជាមួយនឹងការពង្រីកអង្គការណាតូ (NATO) និងគាំទ្រដល់កម្លាំងស្វែងរកការដាក់បញ្ជូលអ៊ុយក្រែនជាមួយនឹងអ៊ឺរ៉ុប ជាជាងជាមួយរុស្ស៊ី។
លោក Zhang Hanhui ត្រូវបានដកស្រង់សម្តីដូច្នេះថា «ក្នុងនាមជាអ្នកផ្តើម និងជាអ្នកញុះញង់ដ៏សំខាន់នៃវិបត្តិអ៊ុយក្រែន ទីក្រុងវ៉ាស៊ីនតោនបន្តផ្គត់ផ្គង់អាវុ.ធ និងឧបករណ៍យោធាទៅដល់អ៊ុយក្រែន»។
លោកនិយាយទៀតថា «គៅលដៅចុងក្រោយរបស់ពួកគេគឺបង្អស់កម្លាំង និងកម្ទេចរុស្ស៊ីដោយសង្គ្រាមអូសបន្លាយ និងការដាក់ទណ្ឌកម្មដ៏ខ្លាំង»។
លោកបានលើកឡើងថា ទំនាក់ទំនងរវាងចិន និងរុស្ស៊ី បានចូលដល់ដំណាក់កាលដ៏ល្អបំផុតមួយក្នុងប្រវត្តិសាស្ត្រដែលកំណត់ដោយការជឿទុកចិត្តគ្នាទៅវិញទៅមកកម្រិតខ្ពស់ អន្តរកម្មកម្រិតខ្ពស់បំផុត និងសារសំខាន់ជាយុទ្ធសាស្ត្រដ៏អស្ចារ្យ។
លោកក៏បានរិះគន់ដល់ដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ផងដែរ និងបាននិយាយថា អាមេរិកព្យាយាមអនុវត្តយុទ្ធសាស្ត្រដូចគ្នានៅអ៊ុយក្រែន និងតៃវ៉ាន់ ដើម្បីធ្វើឲ្យសង្គ្រាមត្រជាក់រស់ឡើងវិញ ទប់ស្កាត់ចិន និងរុស្ស៊ី និងបង្កឲ្យមានការប្រជែងអំណាច និងការប្រឈមមុខដាក់គ្នា។
មន្ត្រីការទូតចិនរូបនេះនិយាយថា «ការមិនជ្រៀតជ្រែកក្នុងកិច្ចការផ្ទៃក្នុង គឺជាគោលការណ៍គ្រឹះក្នុងការរក្សាសន្តិភាព និងស្ថិរភាពនៅក្នុងពិភពលោករបស់យើង»៕ (យោងតាមប្រភព៖ Reuters)
ចែករំលែកព័តមាននេះ