ព្រោះតែជីវភាពទើបបណ្ដាលឲ្យយុវជនព្នងម្នាក់ស្លា.ប់ យ៉ាងអាណោចអាធ័ម
ខេត្តមណ្ឌលគិរី ៖ យុវជនជនជាតិដើមភាគតិចព្នងម្នាក់ បានស្លា.ប់យ៉ាងអាណោចអាធ័មបំផុត ខណៈរូបគេកំពុងជិះម៉ូតូកែច្នៃដឹកឈើ ចេញពីព្រៃនៅចំណុចអូរឡា
ខេត្តមណ្ឌលគិរី ៖ យុវជនជនជាតិដើមភាគតិចព្នងម្នាក់ បានស្លា.ប់យ៉ាងអាណោចអាធ័មបំផុត ខណៈរូបគេកំពុងជិះម៉ូតូកែច្នៃដឹកឈើ ចេញពីព្រៃនៅចំណុចអូរឡា
ខេត្តមណ្ឌលគិរី ៖ យុវជនជនជាតិដើមភាគតិចព្នងម្នាក់ បានស្លាប់យ៉ាងអាណោចអាធ័មបំផុត ខណៈរូបគេកំពុងជិះម៉ូតូកែច្នៃដឹកឈើ ចេញពីព្រៃនៅចំណុចអូរឡា ស្ថិតនៅភូមិរកាថ្មី ឃុំសែនមនោរម្យ ស្រុកអូររាំង កាលពីរសៀលថ្ងៃទី១២ មករា ២០១៧ ។ គ្រួសារជនរងគ្រោះបានឲ្យដឹងថា ដោយក្នុងគ្រួសារមានសមាជិករហូតដល់១០នាក់(ឪពុកម្តាយពីរនាក់ កូនតូចៗរួមនឹងជនរងគ្រោះសរុប៨នាក់) សុទ្ធតែនៅកេ្មងៗមិនអាចជួយរកស៊ីអ្វីកើត។
ជនរងគ្រោះដែលជាកូនច្បងទើបមានវ័យ១៨ឆ្នាំ បានចេញពីភូមិទៅរកស៊ីដឹកឈើជាមួយអ្នកជិតខាងដើម្បីបានប្រាក់ជួយផ្គត់ផ្គង់គ្រួសារ បន្ថែមលើមុខរបរដាំដុះដំណាំចម្ការដែលខ្វះមុខខ្វះក្រោយ។ ប្រភពបានឲ្យដឹងថា នៅពេលជនរងគ្រោះកំពុងដឹកឈើចេញពីព្រៃចំណុចខាងលើ ខណៈកំពុងឡើងចំណោតក៏ទាក់ជាមួយវល្លិ៍ បណ្តាលឲ្យម៉ូតូដែលកំពុងដឹកឈើធ្ងន់ផងនោះ ដួលត្រឡប់ក្រោយពីរបីត្រលប់ សង្កត់ពីលើជនរងគ្រោះគួរឲ្យអាសូរបំផុត។
ប្រភពថា ក្រោយកើតហេតុភ្លាមអ្នកដឹកឈើរួមក្រុមជាមួយជនរងគ្រោះបានជួយ រើយកឈើចេញ និងដឹកជនរងគ្រោះទៅសង្គ្រោះបន្ទាន់ នៅមណ្ឌលសុខភាព ប៉ុន្តែជនរងគ្រោះបានស្លាប់បាត់ទៅហើយ។ ជនរងគ្រោះមានឈ្មោះ ខ្វិន យ៉ា ភេទប្រុស អាយុ១៨ឆ្នាំ ជនជាតិព្នង ដែលរស់នៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី។
អ្វីដែលក្រុមគ្រួសារសពកាន់តែជួបការលំបាកនោះ ព្រោះតាំងពីយកសពទៅធ្វើបុណ្យនៅលំនៅដ្ឋានដ៏តូចរយីករយាក គេនៅមិនទាន់ឃើញមានអ្នកភូមិណាម្នាក់ទៅជួយចូលបុណ្យទេ ព្រោះតែបញ្ហាប្រពៃណីជនជាតិដើម ប្រកាន់ថា អ្នកស្លាប់នោះគឺជាខ្មោចតៃហោង ដែលអាចនាំគ្រោះចង្រៃដល់អ្នកភូមិ៕
ចែករំលែកព័តមាននេះ