រាជធានីភ្នំពេញ ៖ សន្តិសុខសាលាខណ្ឌពោធិ៍សែនជ័យម្នាក់រហស្សនាម ស្ទាំងខៀវ៤ រវល់ជាប់ភារកិច្ចចុះបង្ក្រាបសង្វៀនជល់មាន់ និងវង់អាប៉ោងដោយបានចាក់សោទ្វារផ្ទះចោល លុះចប់ភារកិច្ចត្រលប់ដល់ផ្ទះវិញ ត្រូវបានចោរលួចគាស់ផ្ទះចូលលួចយកគ្រឿងអលង្ការអស់គ្មានសល់។ របស់ដែលបាត់បង់សរុបជាទឹកប្រាក់ជិត២ពាន់ដុល្លារ និងបានបង្កឲ្យមានការភ្ញាក់ផ្អើលឡើងកាលពីវេលាល្ងាចថ្ងៃទី១២ ខែមករា ឆ្នាំ២០១៧ នៅផ្ទះចំណុចលេខ១០៤៧ ក្រុម១B ភូមិតាងួន សង្កាត់កាកាប ខណ្ឌពោធិ៍សែនជ័យ។
សន្តិសុខរងគ្រោះរូបនោះឈ្មោះ អ៊ូ សុផល អាយុ៤០ឆ្នាំ មុខរបរជាសន្តិសុខសាលាខណ្ឌពោធិ៍សែនជ័យរហស្សនាមស្ទាំងខៀវ៤ មានប្រពន្ធឈ្មោះ ពៅ សុផាត អាយុ៣៨ឆ្នាំ រស់នៅផ្ទះកើតហេតុខាងលើ។ សន្តិសុខខាងលើបានប្រាប់ឱ្យដឹងនៅវេលាម៉ោង២ និង៣០នាទីរសៀលថ្ងៃទី១២ ខែមករា ឆ្នាំ២០១៧ រូបលោកបានចុះប្រតិបត្តិការណ៍បង្ក្រាបសង្វៀនជល់មាន់ និងអាប៉ោងលួចលាក់មួយកន្លែងក្នុងភូមិថ្មគោល សង្កាត់ចោមចៅ។
ផ្ទះបានបិទទ្វារចោល ហើយនៅក្រោយពេលចប់ការងារពេលត្រលប់ទៅដល់ផ្ទះវិញ ស្រាប់តែឃើញទ្វារផ្ទះរបើកហើយចូលទៅមើលខាងក្នុងឃើញអីវ៉ាន់រប៉ាត់រប៉ាយ ហើយគ្រឿងអលង្ការបាត់អស់គ្មាសល់សរុបជាទឹកប្រាក់ជិត២ពាន់ដុល្លារ ក្នុងនោះមានខ្សែកខ្សែកដៃចិញ្ចៀន និងក្រវិល។ លុះដល់វេលាព្រឹកថ្ងៃទី១៣ ខែមករា ទើបលោកទៅដាក់ពាក្យបណ្តឹងនៅប៉ុស្តិ៍នគរនបាលរដ្ឋបាលកាកាបឲ្យនគរបាលជួយស្រាជ្រាវរកក្រុមចោរគាស់ផ្ទះទាំងនោះ៕
ចែករំលែកព័តមាននេះ