Kim Jong-un ប្រកាសជ័យជម្នះក្នុងការប្រយុទ្ធប្រឆាំងនឹងកូវីដ ១៩
កូរ៉េខាងជើង ៖ មេដឹកនាំកូរ៉េខាងជើង Kim Jong-un បានប្រកាសជ័យជម្នះក្នុងការប្រយុទ្ធប្រឆាំង
កូរ៉េខាងជើង ៖ មេដឹកនាំកូរ៉េខាងជើង Kim Jong-un បានប្រកាសជ័យជម្នះក្នុងការប្រយុទ្ធប្រឆាំងនឹងវីរុសកូរ៉ូណា និងបានបញ្ជាឱ្យដកការរឹតបន្តឹងចេញដែលបានដាក់ក្នុងខែឧសភា។ នេះបើយោងតាមប្រព័ន្ធផ្សព្វផ្សាយរដ្ឋ KCNA ចុះផ្សាយនៅថ្ងៃព្រហស្បតិ៍ ទី ១១ សីហានេះ។
កូរ៉េខាងជើងមិនបានបង្ហាញពីចំនួនអ្នកឆ្លងវីរុសនោះទេ ប៉ុន្តែចាប់តាំងពីថ្ងៃទី ២៩ ខែកក្កដាមក របបនេះថាគ្មានករណីឆ្លងថ្មីនោះទេ។
Kim Jong-un និយាយថាអត្រាមរណៈផ្លូវការចំនួន ៧៤នាក់គឺជាអព្ភូតហេតុដែលមិនធ្លាប់មានពីមុនមក បើធៀបទៅនឹងប្រទេសផ្សេងៗទៀត។
ប៉ុន្តែអ្នកជំនាញបាននិយាយថា តួលេខរបស់កូរ៉េខាងជើងទំនងមិនបង្ហាញពីទិដ្ឋភាពទាំងមូលនោះទេ។
ការប្រកាសពីជ័យជម្នះនះនេះកើតឡើង ទោះបីប្រទេសដ៏ឯកោនេះត្រូវគេដឹងថាគ្មានកម្មវិធីវ៉ាក់សាំងក្តី។ ផ្ទុយទៅវិញ កូរ៉េខាងជើងនិយាយថា ខ្លួនពឹងផ្អែកលើការបិទខ្ទប់ ការព្យាបាលដោយប្រើឱសថក្នុងស្រុក និងអ្វីដែលលោក Kim Jong-un ហៅថាប្រព័ន្ធសង្គមនិយមបែបកូរ៉េដែលមានអត្ថប្រយោជន៍។
KCNA ចុះផ្សាយថា ប្អូនស្រីរបស់លោក Kim Jong-un គឺ Kim Yo-jong បាននិយាយថា មេដឹកនាំកូរ៉េខាងជើងមានរោគសញ្ញាគ្រុនក្តៅ និងបានស្តីបន្ទោសខិត្តប័ណ្ណដែលបង្ហោះពីកូរ៉េខាងត្បូងថាជាមូលហេតុបណ្តាលឲ្យផ្ទុះវីរុស៕ (យោងតាមប្រភព៖ Reuters)
ចែករំលែកព័តមាននេះ