រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ទីតាំងអគារសណ្ឋាគារកំពុងសាងសង់មួយកន្លែង នៅមុខវិទ្យាល័យបុរី១០០ខ្នង ត្រូវបានកម្លាំងប៉ូលិសអន្តោប្រវេសន៍ ចុះឆែករកជនបរទេសដែលខុសច្បាប់ កាលពីវេលាម៉ោង០៦ព្រឹកថ្ងៃទី១៣ មករា នេះ ស្ថិតតាមបណ្តោយផ្លូវសហព័ន្ធរុស្ស៊ី ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ដោយឃាត់បានជនជាតិចិន និងវៀតណាម១៦
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ទីតាំងអគារសណ្ឋាគារកំពុងសាងសង់មួយកន្លែង នៅមុខវិទ្យាល័យបុរី១០០ខ្នង ត្រូវបានកម្លាំងប៉ូលិសអន្តោប្រវេសន៍ ចុះឆែករកជនបរទេសដែលខុសច្បាប់ កាលពីវេលាម៉ោង០៦ព្រឹកថ្ងៃទី១៣ មករា នេះ ស្ថិតតាមបណ្តោយផ្លូវសហព័ន្ធរុស្ស៊ី ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ដោយឃាត់បានជនជាតិចិន និងវៀតណាម១៦នាក់ ។
ប្រភពឱ្យដឹងថា ក្នុងប្រតិបត្តិការនេះ ដឹកនាំដោយលោកអ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ និងមានការសម្របសម្រួលដោយលោកសៀង សុខ ដោយរកឃើញថា ជនបរទេសទាំង១៦នាក់នោះ គ្មានឯកសារត្រឹមត្រូវសោះឡើយ ។
គួរបញ្ជាក់ថា ជនបរទេសនៅក្នុងអគារកំពុងសាងសង់ខាងលើ សរុបទាំងមានចំនួន៤៨នាក់ ដែលមានជនជាតិចិន៤៥នាក់ និងវៀតណាម៣នាក់ ។ បច្ចុប្បន្ន ទាំង១៦នាក់ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ ដើម្បីរៀបចំឯកសារបញ្ជូនទៅស្រុកវិញ។
ចែករំលែកព័តមាននេះ