ឧទ្ធម្ភាគចក្រស៊ីលីហោះដេញតាម UFO
The Sun របស់អង់គ្លេសកាលពីពេល ថ្មីៗកន្លងមកផ្សាយថា ឧទ្ធម្ភាគចក្រមួយគ្រឿងរបស់ស៊ីលី បានថតជាប់វត្ថុម្យ៉ាងមានរូបរាងចម្លែក ខណៈពេលកំពុងហោះល្បាតតាមព្រំដែន កាលពីខែវិច្ឆិកា ឆ្នាំ២០១៤ ។
The Sun របស់អង់គ្លេសកាលពីពេល ថ្មីៗកន្លងមកផ្សាយថា ឧទ្ធម្ភាគចក្រមួយគ្រឿងរបស់ស៊ីលី បានថតជាប់វត្ថុម្យ៉ាងមានរូបរាងចម្លែក ខណៈពេលកំពុងហោះល្បាតតាមព្រំដែន កាលពីខែវិច្ឆិកា ឆ្នាំ២០១៤ ។ ក្រោយពីស៊ើបអង្កេតអស់រយៈពេលជាង២ឆ្នាំមក ពួកគេមិនអាចបញ្ជាក់ពីវត្ថុក្នុងវីដេអូឃ្លីបនោះជាអ្វីទេ ប៉ុន្ដែមានមតិភាគច្រើនសន្និដ្ឋានថា ជាថាសហោះរបស់មនុស្សពិភពផ្កាយ ឬ «UFO» ។
វត្ថុចម្លែកនោះប្រទះឃើញនៅពេលថ្ងៃដោយម៉ាស៊ីនមីក្រូទស្សន៍លើឧទ្ធម្ភាគចក្រ ដោយវាស្ថិតក្នុងពពក និងជារូបភាពដ៏អាថ៌កំបាំងមួយ។ អាកាសយានិកនៅលើឧទ្ធមា្ភគចក្របានដេញតាមយានចម្លែកនោះ ក្នុងរយៈចម្ងាយប្រហែល៤០ម៉ៃ និងព្យាយាមទាក់ទងជាច្រើនលើកប៉ុន្ដែមិនទទួលបានការឆ្លើយតប ឃើញដូច្នេះក៏រាយការណ៍ទៅផ្នែកប្រព័ន្ធរ៉ាដាចំនួន២នៅក្បែរនោះ ។
ផ្នែករ៉ាដាបានផ្ដល់ចម្លើយគួរឱ្យភ្ញាក់ផ្អើលមួយដល់ខាងឧទ្ធម្ភាគចក្រដោយបញ្ជាក់ថា មិនឃើញមានវត្ថុចម្លែកនៅក្នុងរ៉ាដាទេ ។
ព្រឹត្ដិការណ៍ដ៏អាថ៌កំបាំងនោះត្រូវអង្គភាព (EFAA) របស់រដ្ឋាភិបាលស៊ីលី ចំណាយពេលស្រាវជ្រាវជាង២ឆ្នាំមកហើយដោយមិនដឹងថា តើវត្ថុនោះជាអ្វីពិតប្រាកដទេ ៕
ចែករំលែកព័តមាននេះ