«The Sun» របស់អង់គ្លេសផ្សាយថា មានស្រមោលចម្លែកម្យ៉ាងអណ្ដែតនៅលើវេហាស៍ ដោយហោះចេញពីបរិវណបុរសមួយក្រុមវាយតប់គ្នានៅឥណ្ឌូណេសុី ។ ស្រមោលនោះ អ្នកស្រុកមានជំនឿថា ជា«ដួងវិញ្ញាណរបស់ស្ដ្រី
«The Sun» របស់អង់គ្លេសផ្សាយថា មានស្រមោលចម្លែកម្យ៉ាងអណ្ដែតនៅលើវេហាស៍ ដោយហោះចេញពីបរិវណបុរសមួយក្រុមវាយតប់គ្នានៅឥណ្ឌូណេសុី ។ ស្រមោលនោះ អ្នកស្រុកមានជំនឿថា ជា«ដួងវិញ្ញាណរបស់ស្ដ្រីដែលស្លាប់ខណៈពេលកំពុងមានគភ៌» ។
លោកមូហាម៉េដ អាឌៀន ភ្ញាក់ផ្អើលនៅពេលឃើញស្រមោលចម្លែកក្នុងវីដេអូឃ្លីប ហើយមានជំនឿថាជាដួងវិញ្ញាណ ខណៈពេលកំពុងថតពីហេតុការណ៍វាយតប់គ្នានៅឥណ្ឌូណេស៊ី កាលពីថ្ងៃទី៥ មករា ឆ្នាំ២០១៧ ។ វីដេអូឃ្លីបនោះបានបង្ហោះព្រោងព្រាត ដោយមានជំនឿតៗគ្នា ជាដួងវិញ្ញាណរបស់ខ្មោច ។
លោកមូហាម៉េដ អាឌៀន មានជំនឿថា ស្រមោលចម្លែកនៅក្នុងវីដេអូឃ្លីប គឺជាវិញ្ញាណរបស់ស្ដ្រីពពោះ «Kuntilanak» ហោះចេញពីក្រុមយុវវ័យដែលវាយតប់គ្នា ។ លោកបញ្ជាក់ថា «យើងមិនធ្លាប់បានឃើញបែបនេះពីមុនមកទេ ហើយអ្នកខ្លះភ័យខ្លាចក្រោយពីបានឃើញ» ។ ស្របពេលជាមួយគ្នានេះ មនុស្សភាគច្រើនមិនមានជំនឿថាជាដួងវិញ្ញាណទេ ខណៈពេលអ្នកបើកអីុនធើរណេតមួយភាគធំជឿថា គឺជាផ្សែងបារីអគ្គិសនី ឬជាស្បោងប្លាស្ទិកដែលហោះហើរនៅលើវេហាស៍ ៕
ចែករំលែកព័តមាននេះ