ប្រធានាធិបតីអ៊ុយក្រែនជំរុញប្រទេសលោកខាងលិចហាមប្រាមទេសចរជនជាតិរុស្ស៊ី
អ៊ុយក្រែន ៖ ប្រធានាធិបតីអ៊ុយក្រែន លោក Volodymyr Zelenskyy បានអំពាវនាវឱ្យបណ្តាប្រទេស
អ៊ុយក្រែន ៖ ប្រធានាធិបតីអ៊ុយក្រែន លោក Volodymyr Zelenskyy បានអំពាវនាវឱ្យបណ្តាប្រទេស
អ៊ុយក្រែន ៖ ប្រធានាធិបតីអ៊ុយក្រែន លោក Volodymyr Zelenskyy បានអំពាវនាវឱ្យបណ្តាប្រទេសលោកខាងលិចហាមឃាត់ភ្ញៀវទេសចររុស្ស៊ីទាំងអស់។ ដោយលោកបានប្រាប់កាសែត Washington Post ថា ប្រជាជនរុស្ស៊ីគួរតែត្រូវរស់នៅក្នុងពិភពរបស់ពួកគេ រហូតទាល់តែពួកគេផ្លាស់ប្តូរទស្សនៈរបស់ពួកគេចេញ។
បុរសខ្លាំងអ៊ុយក្រែន ដែលកំពុងតស៊ូប្រយុទ្ធប្រឆាំងនឹងសង្គ្រាមឈ្លានពានរបស់រុស្ស៊ីរូបនេះ បានអះអាងថា ការហាមប្រាមបែបនេះ នឹងមានប្រសិទ្ធភាពជាងទណ្ឌកម្មបច្ចុប្បន្ន ដែលរារាំងក្រុមហ៊ុនអាកាសចរណ៍ និងមន្ត្រីពាក់ព័ន្ធរបស់រុស្ស៊ី ដែលមានទំនាក់ទំនងជាមួយវិមានក្រឹមឡាំង។ ខណៈប្រជាជនរុស្ស៊ីនៅតែអាចទទួលបានទិដ្ឋាការសហភាពអឺរ៉ុប (EU) និងអាមេរិក។ នេះបើយោងប្រភពពី BBC បានចេញផ្សាយកាលពីថ្ងៃទី៩ ខែសីហា ឆ្នាំ២០២២ កន្លងទៅនេះ។
ការអំពាវនាវរបស់លោក Zelenskyy ត្រូវគេជឿថា អាចទទួលបានការគាំទ្រតិចតួចប៉ុណ្ណោះ ដោយ សាររុស្ស៊ី បើទោះបីជារងការដាក់ទណ្ឌកម្មក៏ពិតមែន ប៉ុន្តែទំនាក់ទំនងធុរកិច្ចជាសាកលនៅតែបើកចំហរយ៉ាងទូលំទូលាយ។ ហើយអ្នកទេសចរជនជាតិរុស្ស៊ី នៅតែត្រូវបានស្វាគមន៍ក្នុងទិសដៅវិស្សមកាលដូចជាប្រទេសអេហ្ស៊ីប តួកគី និងអារ៉ាប់រួមជាដើម។
ទោះយ៉ាងណា កាលពីថ្ងៃទី៩ ខែសីហា កន្លងទៅ នាយករដ្ឋមន្ត្រីអេស្តូនី លោកស្រី Kaja Kallas បានបង្ហាញការគាំទ្រការអំពាវនាវរបស់ប្រធានាធិបតីអ៊ុយក្រែន ដោយបានសរសេរលើបណ្តាញ Twitter ថា «បញ្ឈប់ការចេញទិដ្ឋាការទេសចរដល់ជនជាតិរុស្ស៊ី។ ការទៅលេងនៅអឺរ៉ុបគឺជាឯកសិទ្ធិ មិនមែនជាសិទ្ធិរបស់មនុស្សនោះទេ។ ហើយការធ្វើដំណើរតាមយន្តហោះពីរុស្ស៊ីត្រូវបានបិទ»។
ស្របពេលដែលនាយករដ្ឋមន្ត្រីហ្វាំងឡង់ លោកស្រី Sanna Marin ក៏បានថ្លែងប្រាប់ទូរទស្សន៍ជាតិ YLE ថា វាមិនត្រឹមត្រូវទេដែលថា ស្របពេលរុស្ស៊ីកំពុងធ្វើសង្គ្រាមឈ្លានពានដ៏ព្រៃផ្សៃនៅអឺរ៉ុប ប្រជាជនរុស្ស៊ីអាចរស់នៅក្នុងជីវិតធម្មតា ធ្វើដំណើរក្នុងទ្វីបអឺរ៉ុប ក្នុងនាមជាភ្ញៀវទេសចរ។ ទាំងអេស្តូនី និងហ្វាំងឡង់ ត្រូវបានគេរំពឹងថានឹងលើកបញ្ហាទិដ្ឋាការលើជនជាតិរុស្ស៊ីនេះ ទៅពិភាក្សានៅក្នុងកិច្ចប្រជុំរដ្ឋមន្ត្រីការបរទេសសហភាពអឺរ៉ុបក្នុងពេលឆាប់ៗខាងមុខនេះ៕
ចែករំលែកព័តមាននេះ