ថ្លើមពាសមេឃ ! ទៅលួចដល់ជិតប៉ុស្តិ៍នគរបាល
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង១២ និង៣០នាទីរំលងអាធ្រាត្រឈានចូលថ្ងៃទី១៣ ខែមករា ឆ្នាំ២០១៧ តាមបណ្តោយផ្លូវលេខ …
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង១២ និង៣០នាទីរំលងអាធ្រាត្រឈានចូលថ្ងៃទី១៣ ខែមករា ឆ្នាំ២០១៧ តាមបណ្តោយផ្លូវលេខ១០៧ ចំណុចក្រោយភោជនីយដ្ឋានថ្មដា ស្ថិតនៅក្នុងសង្កាត់មនោរម្យ ខណ្ឌ៧មករា ខណៈនគរបាលប៉ុស្តិ៍ទឹកល្អក់២ដេញតាមចាប់ជនសង្ស័យម្នាក់ដែលថ្លើមធំហ៊ានទៅលួចរថយន្តដែលគេចតទុកនៅជិតប៉ុស្តិ៍ ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុរថយន្ត១គ្រឿង ម៉ាកកាមរីគូទស្វិត ពណ៌ស ពាក់ស្លាកលេខ ឃ៦២៩១ភព២ ចតទុកនៅជិតប៉ុស្តិ៍ទឹកល្អក់២ ស្រាប់តែជនសង្ស័យម្នាក់បានទៅលួចកាច់សោរថយន្តរួចជិះគេចខ្លួន តែចៃដន្យក្មេងមួយក្រុមដែលកំពុងអង្គុយញ៉ាំប្រហិតចៀនក្បែរនោះបានប្រទះឃើញ ក៏រត់ទៅប្រាប់នគរបាលប៉ុស្តិ៍ទឹកល្អក់២ ភ្លាមៗនោះសមត្ថកិច្ចក៏បានអន្តរាគមន៍ជិះដេញតាមពីក្រោយធ្វើឲ្យជនសង្ស័យបើកយ៉ាងលឿនដើម្បីគេចខ្លួនរហូតមកដល់ផ្លូវលេខ១០៧ ក្រោយភោជនីយដ្ឋានថ្មដា ក៏ត្រូវសមត្ថកិច្ច និងក្រុមក្មេងៗទាំងនោះកាក់បានតែរថយន្ត ចំណែកជនសង្ស័យបានចុះរត់គេចខ្លួនបាត់ស្រមោលបាត់ ។
ក្រោយពេលកើតហេតុ ម្ចាស់រថយន្តគាត់មិនបានទៅដាក់ពាក្យនោះទេ ដោយគ្រាន់តែត្រឡប់មកយករថយន្តទៅវិញប៉ុណ្ណោះ ៕
ចែករំលែកព័តមាននេះ