ចតម៉ូតូចោល មិនដកសោចេញ ចោរម្នាក់លួចយកបាត់ អាវុធហត្ថតាមចាប់បាន
រាជធានីភ្នំពេញ ៖ ជនសង្ស័យម្នាក់ ឈ្មោះ ឆាង សុភ័ក្ត្រ ភេទប្រុស អាយុ២៣ឆ្នាំ មុខរបរដើររើសអេតចាយ ស្នាក់នៅមិនពិតប្រាកដ…
រាជធានីភ្នំពេញ ៖ ជនសង្ស័យម្នាក់ ឈ្មោះ ឆាង សុភ័ក្ត្រ ភេទប្រុស អាយុ២៣ឆ្នាំ មុខរបរដើររើសអេតចាយ ស្នាក់នៅមិនពិតប្រាកដ…
រាជធានីភ្នំពេញ ៖ ជនសង្ស័យម្នាក់ ឈ្មោះ ឆាង សុភ័ក្ត្រ ភេទប្រុស អាយុ២៣ឆ្នាំ មុខរបរដើររើសអេតចាយ ស្នាក់នៅមិនពិតប្រាកដ មានស្រុកកំណើតភូមិចារ ឃុំព្រៃរំដេង ស្រុកមេសាងខេត្តព្រៃវែង ត្រូវបានកម្លាំងអាវុធហត្ថរាជធានីភ្នំពេញ ក្នុងខណ្ឌបឹងកេងកង និងខណ្ឌចំការមន សហការគ្នា ឃាត់ខ្លួនបាន នៅចំណុច ផ្លូវមុន្នីវង្ស ជិតក្រសួងអភិវឌ្ឍន៍ជនបទ សង្កាត់បឹងត្របែក ខណ្ឌចំការមន កាលពីវេលាម៉ោង១០និង៣០នាទី ថ្ងៃទី០៨ ខែសីហា ឆ្នាំ២០២២ ពាក់ព័ន្ធករណី លួចកាច់កម៉ូតូ និងបានចាប់យកវត្ថុតាង ម៉ូតូ០១គ្រឿងម៉ាក Suzuki Nex ស៊េរីឆ្នាំ២០១៤ ពណ៌លឿង ពាក់ស្លាកលេខ : ភ្នំពេញ 1CO-4702 ប្រគល់ជូនម្ចាស់ដើមវិញផងដែរ។
តាមវិធានការជំនាញ ជនសង្ស័យ ឆាង សុភ័ក្ត្រ ព្រមសារភាពថា កាលពីម៉ោង ១០និង៣០នាទី ថ្ងៃទី០៨ ខែសីហា ឆ្នាំ២០២២ ខ្លួនដើររើសអេតចាយ មកដល់ចំណុចហាងមី យីហោ មី៣១០ ផ្លូវលេខ៣១០ សង្កាត់បឹងកេងកងទី០១ ខណ្ឌបឹងកេងកង បានឃើញជនរងគ្រោះចតម៉ូតូដោយមិនបានដកសោរចេញ ដោយឃើញឱកាសល្អ ខ្លួនក៏បានធ្វើសកម្មភាពឡើងជិះម៉ូតូនោះរត់គេចខ្លួន ស្រាប់តែមានសមត្ថកិច្ចអាវុធហត្ថ តាមចាប់ខ្លួនបានតែម្តង។
ជនសង្ស័យ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ