ក្រសួងវប្បធម៌ និង វិចិត្រសិល្បៈ កាលពីថ្ងៃទី២៥ ធ្នូ បានរៀបចំ សន្និសីទសារព័ត៌មានស្ដីពីការបើកមហោ ស្រពខ្លែងអន្ដរជាតិខេត្ដកោះកុង ដែលនឹង ប្រព្រឹត្ដទៅនៅថ្ងៃទី៦និងទី៧ មករា ២០១០ ខាងមុខនេះ ក្រោមអធិបតីភាពលោកថៃ នរសត្យា រដ្ឋលេខាធិការក្រសួងវប្បធម៌ និង វិចិត្រសិល្បៈ និងមានការចូលរួមពីមន្ដ្រីវប្ប ធម៌ជាច្រើនរូបដូចជាលោកដែក សារិន, លោកស៊ឹម សារ៉ាក់, លោកដួង សាមុត, លោកម៉ៅ កេង និងមន្ដ្រីឯទៀត ។លោកស៊ឹម សារ៉ាក់ អ្នកស្រាវជ្រាវ និង ចងក្រងប្រវត្ដិខ្លែងខ្មែរបានមានប្រសាសន៍ថា ខ្លែងខ្មែរមានកំណើតតាំងពីសម័យបុរាណ កាលមក ដោយឆ្លងកាត់សម័យមុនអង្គរ, សម័យនគរភ្នំ, សម័យចេនឡា, សម័យរជ្ជ កាលព្រះបាទសត្ថាទី១, រជ្ជកាលព្រះបាទស្រី សុរិយោពណ៌, រជ្ជកាលព្រះបាទអង្គឌួង និង សម័យសង្គមរាស្ដ្រនិយម ។
ដោយសារតែ ប្រទេសកម្ពុជាយើងជួបនឹងសង្គ្រាមស៊ីវិលជា ច្រើនទសវត្សនោះ ខ្លែងខ្មែរក៏បានបាត់បង់ ស្ទើរតែទាំងស្រុង ។ ប៉ុន្ដែដោយសារព្រះរាជា ណាចក្រកម្ពុជា បានរួចផុតពីសង្គ្រាម ហើយ ទទួលបានសុខសន្ដិភាពពេញលេញ និងមាន ការរីកចំរើនក្រោមការដឹកនាំរបស់សម្ដេច អគ្គមហាសេនាបតីតេជោ ហ៊ុន សែន នាយក រដ្ឋមន្ដ្រីនៃព្រះរាជាណាចក្រកម្ពុជា ខ្លែងខ្មែរ បានរស់ឡើងវិញកាលពីឆ្នាំ១៩៩៤ ។
ក្រោយពីខ្លែងខ្មែររស់ឡើងវិញជាង១០ ឆ្នាំមកនេះ ខ្លែងខ្មែរមានមោទនភាពយ៉ាង ខ្លាំង ដោយមានឱកាសមិនត្រឹមតែហោះ បង្ហាញខ្លួននៅក្នុងព្រះរាជាណាចក្រកម្ពុជា យើងនេះទេ គឺបានចូលរួមហោះលើឆាកអន្ដរ ជាតិស្ទើរគ្រប់តំបន់ ជាពិសេសនោះខ្លែងខ្មែរ ធ្លាប់បានទៅចូលរួមបង្ហោះបង្ហាញលើសាកល លោកនៅឆាកមហោស្រពអន្ដរជាតិជាច្រើន ទ្វីបដូចជា ទ្វីបអឺរ៉ុប មានប្រទេសបារាំង, អង់ គ្លេស, នៅទ្វីបអាស៊ីមាន ប្រទេសចិន, ជប៉ុន, ឥណ្ឌា និងបណ្ដាប្រទេសជាច្រើនទៀត ហើយ ខ្លែងខ្មែរតែងតែទទួលបានចំណាត់ថ្នាក់ជាញឹកញាប់ដូចជា ជាប់ចំណាត់ថ្នាក់លេខ៣ នៅ ប្រទេសចិន, លេខ១ នៅប្រទេសឥណ្ឌា និង តែងតែទទួលបានពានរង្វាន់ជាកិត្ដិយសជា ច្រើននៅលើឆាកអន្ដរជាតិ ។
លោកស៊ឹម សារ៉ាក់ បន្ដថា ខ្លែងខ្មែរដែលធ្លាប់ទៅបង្ហោះ ក្នុងមហោស្រពអន្ដរជាតិមានតួនាទីនាំនូវវប្បធម៌ប្រពៃណីរបស់ខ្មែរទៅបង្ហាញអន្ដរជាតិឱ្យគេបានស្គាល់កាន់តែច្បាស់នៃអត្ដសញាណ ជាតិខ្មែរ ដូច្នេះខ្លែងខ្មែរមានតួនាទីសំខាន់ ណាស់នាំសិល្បៈ វប្បធម៌ ប្រពៃណី ទំនៀម ទំលាប់ អត្ដសញាណជាតិទៅផ្សព្វផ្សាយឱ្យ គេបានស្គាល់។លោកថៃ នរសត្យា រដ្ឋលេខាធិការ ក្រសួងវប្បធម៌ និងវិចិត្រសិល្បៈ បានមាន ប្រសាសន៍ថា នេះជាលើកទី១ហើយដែល ក្រសួងវប្បធម៌ និងវិចិត្រសិល្បៈបានរៀបចំ មហោស្រពខ្លែងខ្មែរអន្ដរជាតិនៅខេត្ដកោះ កុង នៅថ្ងៃទី៦និងទី៧ ខែមករា ២០១០ ខាងមុខនេះ ដែលជាថ្ងៃខួបលើកទី៣១ នៃ ថ្ងៃជ័យជំនះប្រវត្ដិសាស្ដ្ររបស់សណសិរ្ស សាមគ្គីសង្គ្រោះជាតិកម្ពុជារំដោះប្រទេសជាតិនិងប្រជាពលរដ្ឋខ្មែរឱ្យរួចផុតពីរបបប៉ុលពត វាលពិឃាតប្រល័យពូជសាសន៍។
មហោស្រព ខ្លែងខ្មែរជាអន្ដរជាតិនៅខេត្ដកោះកុងនេះដែរ មានបណ្ដាប្រទេសជាមិត្ដបានចូលរួម ប្រមាណ១០ប្រទេសមាន អ្នកបង្ហោះខ្លែង ជាតិខ្មែរមកពី២៤រាជធានី-ខេត្ដ ចំនួន៧២ នាក់ និងអ្នកបង្ហោះខ្លែងមកពីអន្ដរជាតិចំនួន ៤០នាក់ ក្នុងនោះមកពីប្រទេសចិន, ជប៉ុន, ឥណ្ឌូណេស៊ី, សឹង្ហបុរី, ហ្វ៉ីលីពីន, ម៉ាឡេស៊ី, បារាំង, អ៊ីតាលី និងស៊ុយអែត។លោករដ្ឋលេខាធិការបន្ដទៀតថា ការ បើកមហោស្រពខ្លែងខ្មែរជាអន្ដរជាតិនៅខេត្ដ កោះកុងនេះ គឺមានសារៈសំខាន់ក្នុងការចូល រួមចំណែកផ្សព្វផ្សាយផ្នែកវប្បធម៌ខ្មែរ និង បង្ហាញនូវអត្ដសញាណមួយនៃវប្បធម៌ខ្មែរ ដែលមជ្ឈដ្ឋានខ្លែងសាកលលោកទទួលស្គាល់ ហើយខ្លែងខ្មែរជាព្រឹត្ដិការណ៍វប្បធម៌ដ៏មានសារប្រយោជន៍សំរាប់វិស័យទេសចរណ៍ផង ដែរ ។
លោករដ្ឋលេខាធិការបញ្ជាក់ថា ការ បង្កើតព្រឹត្ដិការណ៍មហោស្រពនៅខេត្ដកោះ កុងនេះ គឺចូលរួមចំណែកធ្វើឱ្យខេត្ដកោះកុង ក្លាយជាខេត្ដទេសចរណ៍វប្បធម៌ និងធម្មជាតិ តាមតំបន់ឆ្នេរសមុទ្រ ដែលមានធម្មជាតិល្អ ស្រស់ត្រកាលស្រាប់ហើយនោះ ឱ្យកាន់តែ មានអ្នកទេសចរចូលទៅទស្សនាខេត្ដនេះកាន់តែច្រើនឡើងថែមទៀត ។ ក្នុងមហោ ស្រពខ្លែងខ្មែរនេះដែរ ក៏មានរៀបចំការតាំង ពិព័រណ៍ស្នាដៃសិល្បៈសូនរូប និងសិល្បៈសិប្ប កម្មតម្បាញហូលផាមួងខ្មែរ មកពីគ្រប់បណ្ដា រាជធានី-ខេត្ដផងដែរ។
ចែករំលែកព័តមាននេះ