រាជធានីភ្នំពេញ ៖ លោក David Hoggery ប្រធានសហព័ន្ធកីឡាវាយកូនបាល់អន្តរជាតិ បានធ្វើដំណើរមកបំពេញទស្សកិច្ចសហព័ន្ធកីឡាវាយកូនបាល់កម្ពុជារយៈពេល២ថ្ងៃ ហើយលោកក៏បានជួបពិភាក្សាការងារជាមួយលោក
រាជធានីភ្នំពេញ ៖ លោក David Hoggery ប្រធានសហព័ន្ធកីឡាវាយកូនបាល់អន្តរជាតិ បានធ្វើដំណើរមកបំពេញទស្សកិច្ចសហព័ន្ធកីឡាវាយកូនបាល់កម្ពុជារយៈពេល២ថ្ងៃ ហើយលោកក៏បានជួបពិភាក្សាការងារជាមួយលោក ចម ប្រសិទ្ធ ប្រធានសហព័ន្ធកីឡាវាយកូនបាល់កម្ពុជា នៅមជ្ឈមណ្ឌលជាតិកីឡាវាយកូនបាល់ Cambodia Country Club កាលពីយប់ថ្ងៃទី១១ មករា កន្លងមកនេះ ។
វត្តមានលោក David Hoggery នាឱកាសនោះ គឺជាសារមួយបញ្ជាក់ឱ្យឃើញថា វិស័យកីឡាវាយកូនបាល់នៅកម្ពុជាកំពុងតែមានការរីកចម្រើន និងមានការចាប់អារម្មណ៍យ៉ាងខ្លាំងពីសំណាក់មន្ត្រីជាន់ខ្ពស់របស់សហព័ន្ធកីឡាវាយកូនបាល់អន្តរជាតិ ។
លោក David Hoggery ត្រូវបានតែងតាំងជាប្រធានសហព័ន្ធកីឡាវាយកូនបាល់អន្តរជាតិ(ITF)ក្នុងអាណត្តិ៤ឆ្នាំម្ដងនៅទីក្រុង Santiago ប្រទេសឈីលី (Chile) កាលពីខែកញ្ញា ឆ្នាំ២០១៥ ។ កាលនោះ សហព័ន្ធកីឡាវាយកូនបាល់កម្ពុជាក៏បានបញ្ជូនសមាជិកគណៈកម្មការប្រតិបត្តិ១រូប គឺកញ្ញា ឯក ប៊ុនលកិ្ខណា ទៅចូលរួមបោះឆ្នោតផងដែរ។
លោក David Hoggery បានចូលលេងកីឡាវាយកូនបាល់តាំងពីអាយុ៦ឆ្នាំមកម៉្លេះ និងបានក្លាយជាកីឡាករវ័យក្មេងជាប់ចំណាត់ថ្នាក់ល្អជាងគេនៅក្នុងវិទ្យាល័យ ព្រមទាំងទទួលបានអាហារូបករណ៍កីឡាវាយកូនបាល់នៅសាកលវិទ្យាល័យរដ្ឋ Washinton ។ ក្រោយមកលោកត្រូវបានតែងតាំងជាប្រធានក្រុមកីឡាវាយកូនបាល់ប្រចាំសាលាមានរយៈពេល៤ឆ្នាំ ។ បន្ទាប់មកទៀត លោកក៏បានក្លាយជាកីឡាករវាយកូនបាល់អាជីពនៅក្នុងឆ្នាំ១៩៨០ និងចាប់ផ្ដើមបម្រើការងារជាប្រធានក្រុមប្រឹក្សាភិបាល ប្រធាននាយកប្រតិបត្តិ និងប្រធាន USTA នៅដើមខែមករា ឆ្នាំ២០១៣ ។
លើសពីនេះទៀត លោកធ្លាប់បម្រើការងារក្រុមប្រឹក្សា Grand Slamនិងធ្លាប់ធ្វើជាអនុប្រធានក្រុមប្រឹក្សាភិបាលសហព័ន្ធITF Women’s Circuit Committee and The Joint Media Commission និងជាប្រធានគណៈកម្មាធិការហិរញ្ញវត្ថុ ។ ជាចុងក្រោយ លោកបានកាន់តំណែងជាប្រធានសហព័ន្ធកីឡាវាយកូនបាល់អន្តរជាតិអាណត្តិឆ្នាំ២០១៥-២០១៩ ៕
ចែករំលែកព័តមាននេះ