យោងតាមYONHAP ថា សៀវភៅសស្តីពីកិច្ចការពារឆ្នាំ២០១៦ ត្រូវបានចេញផ្សាយកាលពីថ្ងៃទី១១ មករា ដោយក្រសួងការពារជាតិកូរ៉េខាងត្បូង ដោយសៀវភៅនោះធ្វើការវិភាគថា ចំនួនទាហានកូរ៉េខាងជើងមានសរុបប្រមាណជា១,២៨លាននាក់ដែលមានការកើនឡើងថែមទៀត៨០.០០០នាក់រយៈពេល២ឆ្នាំ ។
យោងតាមសៀវភៅសនោះថា កូរ៉េខាងជើងបានបង្កើនចំនួនទាហានក្នុងផ្ទៃកងទ័ពជើងគោកពី១,០២លាននាក់ដល់១,១០លាននាក់ ចំណែកកងទ័ពអាកាសមានការកាត់បន្ថយពី១២០.០០០នាក់មក១១០.០០០នាក់ ។ ចំណែកកងទ័ព ជើងទឹកវិញពុំមានការផ្លាស់ប្តូរឡើយគឺមានទាហាន៦០.០០០នាក់ ។
ចំពោះសមត្ថភាពនុយក្លេអ៊ែរសៀវភៅនោះវាយតម្លៃថា កូរ៉េខាងជើងមានផ្លុយតូនីញ៉ូមប្រមាណជា៥០គ.ក្រ កើន១០គ.ក្រ បើប្រៀបធៀបទៅនឹងឆ្នាំ២០០៨ ព្រមទាំងបច្ចេកវិទ្យាដើម្បីផលិតអ៊ុយរ៉ានីញ៉ូមចម្រាញ់កម្រិតខ្ពស់ដែលបរិមាណផលិតពិបាកប៉ាន់ប្រមាណមកពីវិធីសាស្ត្រផលិតយ៉ាងសម្ងាត់បំផុតប្រើបណ្តាឡចម្រាញ់ដែលលាក់ជិត ។
សៀវភៅសនិយាយជាលើកដំបូងពីកូរ៉េខាងជើងមានមីស៊ីលបាលីស្ទិករំលងទ្វីប ICBM មានក្បាលគ្រាប់នុយក្លេអ៊ែរ និងបណ្តាមីស៊ីលសមុទ្រ-ដីបាលីស្ទិកយុទ្ធសាស្ត្រ MSBS។
យោងតាមការវាយតម្លៃរបស់សៀវភៅសនោះថាកូរ៉េខាងជើងអាចផលិតក្បាលគ្រាប់នុយក្លេអ៊ែរបានយ៉ាងតិច១០គ្រាប់ជាមួយបរិមាណបច្ចុប្បន្ននៃផ្លុយតូនីញ៉ូម ៥០គ.ក្រ ព្រោះក្បាលគ្រាប់នុយក្លេអ៊ែរមួយអាចប្រើផ្លុយតូនីញ៉ូមពី៤ទៅ៦គ.ក្រ ។
បច្ចេកវិទ្យាផលិតអ៊ុយរ៉ានីញ៉ូមានកម្រិតចម្រាញ់ខ្ពស់ជាមធ្យោបាយមួយទៀតឱ្យទទួលបានវត្ថុធាតុដើមសម្រាប់ផលិតក្បាលគ្រាប់នុយក្លេអ៊ែរនោះក៏ត្រូវបានអភិវឌ្ឍន៍នៅកូរ៉េខាងជើង ដែរ ។
ទោះបីយ៉ាងណាតាមសៀវភៅសអាជ្ញាធរយោធាកូរ៉េខាងត្បូងយល់ថា ការអភិវឌ្ឍមីស៊ីលដែលអាចគំរាមកំហែងដែនដីអាមេរិកកំពុងធ្វើរួចពុំទាន់បង្ហើយនៅឡើយ ៕
ចែករំលែកព័តមាននេះ