ដោយសារតែការពេញនិយម ការប្រើប្រាស់សម្ភារដែលមានម៉ាកយីហោ ឬហៅថា ប្រែន របស់មនុស្សសម័យថ្មីនេះ កាន់តែមានកំណើននោះ ការនាំចូលផលិតផលដែលមានម៉ាកយីហោ ឬប្រែនល្បីៗពីបរទេសមកកាន់ទីផ្សារកម្ពុជា ក៏កាន់តែច្រើន ទាំងនោះដូចជាសម្លៀកបំពាក់ ស្បែកជើង កាបូបស្ពាយ និងសម្ភារប្រើប្រាស់ជាច្រើនផ្សេងទៀត ។ ហើយដែលពិសេសនោះ គឺយើងសង្កេតឃើញថា ការប្រើស្ទាយបែបសាមញ្ញ និងស្ទាយបែបទាហានកាន់តែជាទីចាប់អារម្មណ៍របស់អតិថិជនទូទៅ ក្លាយជាឱកាសឱ្យម៉ាក Tactical 5.11 និង The North Face កាន់តែមានទីផ្សារនៅក្នុងព្រះរាជាណាចក្រកម្ពុជា។
មូលហេតុដែលម៉ាកទាំងពីរនេះ ទទួលបានការពេញនិយមមិនមែន ព្រោះតែស្ទាយរបស់វាតែប៉ុណ្នឹងទេ ដែលសំខាន់នោះគឺមកពីគុណភាពដ៏អស្ចារ្យរបស់វាផងដែរ រួមផ្សំទាំងតម្លៃដែលមិនខុសពីទីផ្សារបរទេសផងនោះ ធ្វើឱ្យប្រជាជនក្នុងស្រុកមិនចាំបាច់ពិបាកធ្វើដំណើរទៅបរទេស ដើម្បីគ្រាន់តែទិញទំនិញម៉ាកទាំងពីរនេះឡើយ។ ដោយដឹងថា ម៉ាក Tactical 5.11 ទទួលបានការគាំទ្រយ៉ាងខ្លាំងពីទាហានអាមេរិក និងពិសេសក្រុមប៉ូលិស FBI ដូច្នេះហើយថ្មីៗនេះម៉ាក Tactical 5.11 នេះកំពុងត្រូវបានគាំទ្រយ៉ាងខ្លាំងពីសំណាក់បងៗប៉ូលិស និងទាហាន និងបងៗដែលបម្រើការងារក្នុងស្ថាប័នរាជការ យ៉ាងណាមិញម៉ាកនេះដែលក៏ទទួលបានការគាំទ្រពីសំណាក់អតិថិជនទូទៅដែរ។
ចំណែកម៉ាក The North Face ក៏ទទួលការគាំទ្រមិនចាញ់គ្នាដែរ ដោយដឹងថា ជាម៉ាកដែលតែងតែជាជំរើសទីមួយរបស់អ្នកកីឡាករឡើងភ្មំលំដាប់ពិភពលោក ម៉ាកនេះក៏តែងតែទទួលបានការពេញនិយមពីសំណាក់អ្នកកីឡា ឬអ្នកចូលចិត្តធ្វើកាយសម្ព័ន្ធនានា។
យ៉ាងណាមិញម៉ាកទាំងពីរនេះ ក៏តែងតែជាចំណូលចិត្តរបស់អតិថិជនទូទៅដែលគាត់ចូលចិត្តស្ទាយសាមញ្ញៗបែបថ្លៃថ្នូរផងដែរ។
ចែករំលែកព័តមាននេះ