ខេត្តព្រះវិហារ ៖ សេចក្តីរាយការណ៍បានឲ្យដឹងថា នគរបាលការពារព្រំដែនលេខ៧៩៣ម្នាក់ និងស្រីស្នេហ៍ ត្រូវបានអាវុធហត្ថស្រុកជាំក្សាន្តចាប់ខ្លួនកាលពីរសៀលថ្ងៃទី១១ ខែមករា ឆ្នាំ២០១៧ នៅចំណុចភូមិឈើទាលគង ឃុំជាំក្សាន្ត ស្រុកជាំក្សាន្ត ពាក់ព័ន្ធការជួញដូរ និងប្រើប្រាស់គ្រឿងញៀន ។
ប្រភពពីមន្ត្រីអាវុធហត្ថស្រុកជាំក្សាន្តបានឲ្យដឹងថា ជនសង្ស័យដែលត្រូវចាប់ខ្លួនឈ្មោះ សួង សុផាត ភេទប្រុស អាយុ៣២ឆ្នាំ ជានគរបាលនៅអង្គភាពការពារព្រំដែនលេខ៧៩៣ និងនារីជាគូស្នេហ៍ឈ្មោះ យ៉ែម សា អាយុ២៦ឆ្នាំ ព្រមទាំងដកហូតបានថ្នាំញៀនប្រភេទម៉ាទឹកកក២កញ្ចប់ ទូរស័ព្ទដៃ២គ្រឿង និងប្រាក់មួយចំនួន ។
ក្រោយពេលចាប់ខ្លួន ជនសង្ស័យទាំង២នាក់ និងវត្ថុតាងត្រូវបានបញ្ជូនទៅកាន់ទីបញ្ជាការដ្ឋានអាវុធហត្ថខេត្ត ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ