ម្ដាយបង្កើត ថៃ នរៈពិទូ បដិសេធពាក្យថា «ចង់ស្លា.ប់» សរសេរឲ្យធូរទ្រូងតែប៉ុណ្ណោះ
រាជធានីភ្នំពេញ ៖ អ្នកស្រី ងិន ម៉ានីយ៉ា ម្តាយបង្កើត ថៃ នរៈពិទូ បានសរសេរលើហ្វេសប៊ុកជាថ្មី នៅម៉ោង៣និង៣២នាទីរសៀលថ្ងៃទី១១ មករា ២០១៧ នេះ
រាជធានីភ្នំពេញ ៖ អ្នកស្រី ងិន ម៉ានីយ៉ា ម្តាយបង្កើត ថៃ នរៈពិទូ បានសរសេរលើហ្វេសប៊ុកជាថ្មី នៅម៉ោង៣និង៣២នាទីរសៀលថ្ងៃទី១១ មករា ២០១៧ នេះ
រាជធានីភ្នំពេញ ៖ អ្នកស្រី ងិន ម៉ានីយ៉ា ម្តាយបង្កើត ថៃ នរៈពិទូ បានសរសេរលើហ្វេសប៊ុកជាថ្មី នៅម៉ោង៣និង៣២នាទីរសៀលថ្ងៃទី១១ មករា ២០១៧ នេះ ដោយបដិសេធថា អ្នកស្រីមិនអាចស្លាប់ទេ ព្រោះវានៅចំណងប្រាំប្រការ ។ ការដែលសរសេរថា «ពេលខ្លះចង់ស្លាប់តែម្ដងទៅឲ្យវាផុតទុក្ខ» នោះ គឺនៅពេលណាដែល មនុស្សមានអារម្មណ៍ស្មុកស្មាញ យើងតែងតែបញ្ចេញពាក្យនេះឲ្យធូរទ្រូង ។ អ្នកស្រីឆ្ងល់ថា ហេតុអីមនុស្សអគតិមួយចំនួនយកពាក្យខ្ញុំ ទៅធ្វើជាប្រធានបទទៅវិញ?
ម្តាយបង្កើត ថៃ នរៈពិទូ ក៏បានបដិសេធទៀតថា «ឱ! អស់លោកអ្នកមានបបេរ(បបូរមាត់)អើយ… ត្រង់ណាដែលថាខ្ញុំ យក Style លោក Doctor នោះ ??? សូមបើកចិត្ត ពិចារណាផងទៅ…!!!» ។ អ្នកស្រីសង្កត់ធ្ងន់បែបនេះ បន្ទាប់ពីមានអ្នក Comment ជាច្រើនចោទអ្នកស្រីថា បានយក Style សម្លាប់ខ្លួនតាមលោកដុកទ័រ ដែលមានកូនប្រុស បានប្រើពាក្យសម្ដីមិនសមរម្យទៅលើមេបញ្ជាការរងអាវុធហត្ថលើផ្ទៃប្រទេស លោកឧត្ដមសេនីយ៍ផ្កាយ៣ នន្ទ សុខា រហូតដល់មានការពិនិត្យទឹកនោមឃើញមានប្រើប្រាស់សារធាតុញៀន កាលពីអំឡុងខែវិច្ឆិកា ២០១៦ កន្លងមក ។
ពាក់ព័ន្ធនឹងការបដិសេធរបស់ អ្នកស្រី ងិន ម៉ានីយ៉ា ក្រោយការបញ្ចេញសារខ្លីរន្ធត់ចិត្តរបស់អ្នកស្រីថា «ពេលខ្លះចង់ស្លាប់តែម្ដងទៅឲ្យវាផុតទុក្ខ» នោះមិនដឹងថា អ្នកស្រីមានវិបត្តិអ្វីធ្ងន់ធ្ងរអោយពិតប្រាកដនៅឡើយទេ ប៉ុន្តែអ្វីដែលគេចាប់អារម្មណ៍នោះ គឺបន្ទាប់ពីប៉ូលិសបានឃាត់ខ្លួនក្រុមជនសង្ស័យពាក់ព័ន្ធគ្រឿងញៀននៅខេត្តបាត់ដំបង ក្នុងនោះមានកូនប្រុសរបស់អ្នកស្រីដែរ ។
សូមបញ្ជាក់ថា តារាសម្តែងនិងជាអតីតហ្វ្រេស៊ីលេខ១ ថៃ នរៈពិទូ បានបង្កើតឲ្យមានការភ្ញាក់ផ្អើលជាថ្មី ក្រោយពីតារារូបនេះនិងបក្សពួកជាច្រើននាក់ ត្រូវបាននគរបាលខេត្តបាត់ដំបងចាប់ឃាត់ខ្លួន ព្រោះតែមានការពាក់ព័ន្ធនឹងករណីថ្នាំញៀន ។ ការចាប់ខ្លួននេះ ក៏រួមជាមួយប្រពន្ធរបស់គេផងដែរ ។
ការចាប់ខ្លួនតារាសម្តែងនិងបក្សពួកនេះ គឺកាលពីរសៀលថ្ងៃទី១០ ខែមករា នៅទីតាំងខារ៉ាអូខេមួយកន្លែងយីហោ«ដឺសោន ហ្វាមីលី»(The Sound Family KTV) បន្ទាប់ពីរកឃើញថាពួកគេបានប្រើប្រាស់ រក្សាទុក និងជួញដូរសារធាតុញៀន ។ សមត្ថកិច្ចនគរបាលខេត្ដបាត់ដំបង ដឹកនាំដោយលោក ប៉ង់ ចាន់សុយុទ្ធារា បានធ្វើការបង្ក្រាប និងបិទទីតាំងខាងលើភ្លាមៗផងដែរ ។
លោក ស៊ាន សុណាល់ នាយការិយាល័យនគរបាលប្រឆាំងគ្រឿងញៀនខេត្តបាត់ដំបងបានឱ្យដឹងថា កម្លាំងការិយាល័យនគរបាលប្រឆាំងគ្រឿងញៀន សហការជាមួយកម្លាំងបង្ការបង្ក្រាប និងកម្លាំងអន្តរាគមន៍ប្រឆាំងបទល្មើសនៃស្នងការដ្ឋាននគរបាលខេត្ត បានចុះបង្ក្រាបករណីផ្តល់ទីកន្លែងឱ្យប្រើប្រាស់ រក្សាទុក និងជួញដូរសារធាតុញៀន នៅខារ៉ាអូខេយីហោ «ដឺសោន ហ្វាមីលី» ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ។
លោក ស៊ាន សុណាល់ ថ្លែងថា នៅក្នុងប្រតិបត្តិការខាងលើនេះ ក្នុងបទល្មើសជាក់ស្ដែងសមត្ថកិច្ចបានឃាត់ខ្លួនជនសង្ស័យចំនួន៦នាក់ ដែលក្នុងនោះពិតជាមានតារាសម្តែង ថៃ នរៈពិទូ ប្រាកដមែន ។
យោងតាមរបាយការណ៍របស់សមត្ថកិច្ចថា ជនទាំង៦នាក់នេះមាន ៖
១-ឈ្មោះ ហេង យូសុង ភេទប្រុស អាយុ២៤ឆ្នាំ រស់នៅភូមិ១៣មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។
២-ឈ្មោះ ថៃ នរៈពិទូ ភេទប្រុស អាយុ៣២ឆ្នាំ រស់នៅក្នុងសង្កាត់អូរឫស្សីទី២ ខណ្ឌ៧មករា រាជធានីភ្នំពេញ ។
៣-ឈ្មោះ ភា ប៊ុនហេង ភេទប្រុស អាយុ៣២ឆ្នាំ រស់នៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ។
៤-ឈ្មោះ ហាប់ សុវត្ថិ ភេទប្រុស អាយុ២៩ឆ្នាំ រស់នៅក្នុងក្រុងបាត់ដំបង ។
៥-ឈ្មោះ អោក រតនៈ ប៉ុណ្ណិកា ភេទស្រី អាយុ២៧ឆ្នាំ ត្រូវជាប្រពន្ធរបស់ ថៃ នរៈពិទូ ។
៦-ឈ្មោះ ហ៊ុន ម៉ាណេ ភេទស្រី អាយុ២៧ឆ្នាំ ស្នាក់នៅបន្ទប់ជួលក្នុងភូមិរំចេក៤ សង្កាត់រតនៈ ក្រុងបាត់ដំបង ។
ចំណែកឯវត្ថុតាងដែលដកហូតបានរួមមាន ថ្នាំញៀនប្រភេទកេតាមីនចំនួន៣ថង់ ឧបករណ៍សម្រាប់កែច្នៃថ្នាំញៀនអ៊ិចស្តាស៊ីចំនួន២ ថ្នាំអំពូល Diazepam ចំនួន២អំពូល, ថ្នាំគ្រាប់ Diazepam ចំនួន១៦បន្ទះ និងសម្ភារសម្រាប់វេចខ្ចប់ថ្នាំញៀនមួយចំនួនទៀត ។
ជនសង្ស័យរួមនឹងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូង ចាត់ការតាមច្បាប់ ។ ចំណែកទីតាំងផ្តល់កន្លែងឱ្យប្រើប្រាស់រក្សាទុក និងជួញដូរនូវសារធាតុញៀននេះ ត្រូវបានបិទទ្វារភ្លាមៗ នៅរសៀលថ្ងៃទី១០ ខែមករា ៕
ចែករំលែកព័តមាននេះ