កាលពីឆ្នាំមុនអង្គការ NASA ប្រកាសថា មនុស្សនឹងទៅរស់នៅលើភពព្រះអង្គារក្នុងឆ្នាំ២០៣០ ខណៈពេលលោកប្រធានាធិបតីបារ៉ាក់ អូបាម៉ា ថ្លែងថា នេះជាគោលដៅដ៏ច្បាស់លាស់មួយរបស់អាមេរិក ស្របពេលដែលលោកអីុឡុន ម៉ាស់ ប្រធានក្រុមហ៊ុន«Space X» បញ្ជាក់ថា លោកមានផែនការបង្កើតទីក្រុងអាចរស់នៅបានលើភពព្រះអង្គារក្នុងឆ្នាំ២០៦០ ។
ក្តីសង្ឃឹមក្នុងការសង់ផ្ទះនៅលើភពព្រះអង្គារ ខិតជិតចូលមកដល់ហើយ ខណៈពេលអង្គការ NASA និងមជ្ឈមណ្ឌលស្រាវជ្រាវ«លែងលី» បង្ហើបឱ្យដឹងពីគម្រោងសាងសង់ទីជម្រកអចិន្ត្រៃយ៍ឱ្យអវកាសយានិក ហៅថា«ផ្ទះទឹក កក» មានលក្ខណៈស្រដៀងខ្ទមទឹកកករបស់ជន «អេស្គីម៉ូ» (Eskimo) ទំហំធំអាចឱ្យមនុស្សជាច្រើននាក់ស្នាក់នៅបាន។ តួផ្ទះសាងសង់ដោយទឹកកកដើម្បីទប់ទល់នឹងស្ថានភាពអាកាសធាតុដ៏អាក្រក់នៅលើភពព្រះអង្គារ ពិសេសអាចការពារជាតិវិទ្យុសកម្ម«អ៊ុយត្រាវីយ៉ូឡេ»ដែលមានកម្រិតខ្ពស់ ។
ចំណែកសីតុណ្ហភាពនៅក្នុងផ្ទះនឹងមានស្រទាប់នៃឧស្ម័នកាបូនឌីអុកស៊ីដ ជាកន្លែងខណ្ឌចែករវាងកន្លែងស្នាក់នៅ ជាមួយជញ្ជាំងទឹកកកយ៉ាងក្រាស់ ហើយផ្ទះអាចរំកិលបាន៕
ចែករំលែកព័តមាននេះ