ការថើបមានអត្ថប្រយោជន៍ជាច្រើនដល់សុខភាពរបស់អ្នក ។ វាល្អចំពោះទាំងបុរស និងស្ត្រី និងមិនធ្វើឲ្យពួកគេឆ្លងជំងឺណាមួយឡើយ។ ក្រៅពីធ្វើឲ្យប្រព័ន្ធភាពស៊ាំរបស់អ្នកកាន់តែរឹងមាំ ការថើបមានប្រយោជន៍ផ្សេងទៀតជាច្រើនដល់សុខភាពផងដែរ ។ ទាំងនេះជាអត្ថប្រយោជន៍មួយចំនួននៃការថើប ៖
១-ការថើបកាត់បន្ថយសម្ពាធឈាម ៖ អ្នកប្រហែលជាមិនបានដឹងពីអត្ថប្រយោជន៍មួយនេះទេ ប៉ុន្តែការថើបអាចធ្វើឲ្យសរសៃឈាមរបស់អ្នករីកធំដែលអាចជួយបន្ថយសម្ពាធឈាមរបស់អ្នកបាន។ អ្នកជំនាញម្នាក់បាននិយាយថា ការថើបអាចធ្វើឲ្យបេះដូងរបស់អ្នកលោតញាប់ក្នុងស្ថានភាពមួយដែលល្អចំពោះសុខភាព ហើយធាចជួយកាត់បន្ថយសម្ពាធឈាម ។
២-បំបាត់ការរមួលក្រពើ និងការឈឺក្បាល ៖ នៅពេលដែលសរសៃឈាមរីកធំ ដែលកើតមានឡើងនៅពេលដែលអ្នកថើបគ្នា វាមានតួនាទីជាថ្នាំបំបាត់ការឈឺចាប់ ជាពិសេសពេលឈឺក្បាល ឬពេលមានរដូវ ។
៣-ប្រយុទ្ធប្រឆាំងនឹងបញ្ហាដង្កូវស៊ីធ្មេញ ៖ ដោយសារការថើបបង្កើនការផលិតទឹកមាត់នៅក្នុងមាត់របស់អ្នក វាអាចជួយលាងសំអាតកំណកជាប់ធ្មេញរបស់អ្នក ដែលវាជាមូលហេតុចម្បងនៃការមានបញ្ហាដង្កូវស៊ីធ្មេញ។
៤-បញ្ចេញអ័រម៉ូនរីករាយ និងបំបាត់ភាពតានតឹង ៖ ការថើបធ្វើឱ្យអ្នកសប្បាយចិត្តព្រោះខណៈពេលអ្នកថើប ខួរក្បាលនឹងបញ្ចេញអ័រម៉ូនធ្វើឲ្យអារម្មណ៍ល្អដូចជា សេរ៉ូតូនីន ដូប៉ាមីន និងអុកស៊ីតូស៊ី ។ ពួកវានឹងធ្វើឱ្យទំនាក់ទំនងរបស់អ្នកល្អប្រសើរជាងមុន ។ ការថើបក៏អាចបំបាត់ភាពតានតឹង និងបញ្ចេញអ័រម៉ូន epinephrine ចូលទៅក្នុងឈាមរបស់អ្នកធ្វើឱ្យបេះដូងរបស់អ្នកលោតកាន់តែញាប់ដែលជាលទ្ធផលវាក៏ជួយកាត់បន្ថយកូឡេស្តេរ៉ុល LDL បានផងដែរ ។
៥-ពង្រឹងប្រព័ន្ធភាពស៊ាំរបស់អ្នក ៖ ការថើបត្រូវបានគេរាយការណ៍ថា មានទំនាក់ទំនងជាមួយនឹងការពង្រឹងប្រព័ន្ធភាពស៊ាំរបស់អ្នក និងកាត់បន្ថយការឆ្លើយតបនឹងការអាឡែកស៊ីចំពោះមនុស្សដែលមានស្បែក ឬមានបញ្ហាអាឡែកស៊ីច្រមុះញឹកញាប់ ។ ការសិក្សាមួយបានលើកឡើងថា ការថើបអាចពង្រឹងប្រព័ន្ធភាពស៊ាំរបស់ស្ត្រីពីមេរោគ Cytomegalovirus ៕
ចែករំលែកព័តមាននេះ