គ្មាននិយាយស្តីទាល់តែសោះ គិតតែស្រែកទ្រហោយំ
ខេត្តបន្ទាយមានជ័យ ៖ ស្ត្រីម្នាក់គ្មាននិយាយស្តីអ្វីទាល់តែសោះ គិតតែស្រែកទ្រហោយំយ៉ាងខ្លាំង ខណៈប្តីរបស់នាងបានបោកក្បាលនឹងផ្ទាំងថ្មដ៏ធំមួយស្លា.ប់យ៉ាងអាណោច …
ខេត្តបន្ទាយមានជ័យ ៖ ស្ត្រីម្នាក់គ្មាននិយាយស្តីអ្វីទាល់តែសោះ គិតតែស្រែកទ្រហោយំយ៉ាងខ្លាំង ខណៈប្តីរបស់នាងបានបោកក្បាលនឹងផ្ទាំងថ្មដ៏ធំមួយស្លាប់យ៉ាងអាណោចអាធ័មកាលពីរសៀលថ្ងៃទី១១ ខែមករា ឆ្នាំ២០១៧ តាមបណ្ដោយផ្លូវជាតិលេខ៥ ស្ថិតក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ។
ជនរគ្រោះឈ្មោះ អឹម វី អាយុ៤៧ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ចំណែកនាងជាប្រពន្ធពុំរងរបួសទេ តែមិនស្គាល់អត្តសញ្ញាណឡើយ ព្រោះទ្រហោយំដូចអកព្រាត់ទ្រនំ មិនអាចសួរនាំបានឡើយ ។
ប្រភពពីកន្លែងកើតហេតុបានឲ្យដឹងថា ដំបូងគេឃើញជនរងគ្រោះបើកម៉ូតូសណ្តោងរទេះដែកដឹកទំនិញចេញពីក្រុងប៉ោយប៉ែតក្នុងទិសដៅពីលិចទៅកើត ដោយប្រពន្ធអង្គុយចំណុចក្បាលរទេះដែកដឹកទំនិញ លុះដល់កន្លែងកើតហេតុស្រាប់តែកង់រទេះដែកសណ្តោងខាងស្តាំបែក ក៏រេចង្កូតទៅធ្លាក់ស្នាមភ្លោះបណ្ដាលឲ្យជនរងគ្រោះជាប្តីបោកក្បាលនឹងផ្ទាំងថ្មធំមួយស្លាប់ភ្លាមៗតែម្តង ។
ក្រោយពេលកើតហេតុ ដំបូងសពត្រូវបានគេដឹកយកទៅតម្កល់នៅវត្តរតនារាមផ្សារកណ្តាល បន្ទាប់មកសាច់ញាតិ និងប្រពន្ធជនរងគ្រោះជួលរថយន្តដឺកបន្តទៅខេត្តបាត់ដំបងដើម្បីធ្វើបុណ្យតាមប្រពៃណីយ ៕
ចែករំលែកព័តមាននេះ