ពេលថ្លែងសុន្ទរកថាសុំលាកាលពីថ្ងៃទី១០ មករា នៅស៊ីកាហ្គោ មុនពេលប្រគល់តំណែងប្រមុខសេតវិមានដល់លោកដូណាល់ ត្រាំ នាថ្ងៃទី២០ មករា លោកបារ៉ាក់ អូបាម៉ា អួលដើមក ស្រក់ទឹកភ្នែក ពេលលោកនិយាយដល់ ភរិយា
ពេលថ្លែងសុន្ទរកថាសុំលាកាលពីថ្ងៃទី១០ មករា នៅស៊ីកាហ្គោ មុនពេលប្រគល់តំណែងប្រមុខសេតវិមានដល់លោកដូណាល់ ត្រាំ នាថ្ងៃទី២០ មករា លោកបារ៉ាក់ អូបាម៉ា អួលដើមក ស្រក់ទឹកភ្នែក ពេលលោកនិយាយដល់ ភរិយា និងកូនស្រីលោកទាំង២ ។
លោកថា ២អាណត្តិនៃការកាន់តំណែងប្រធានាធិបតីរបស់លោកអាចធ្វើការបានល្អ ដោយសារជំនួយរបស់ភរិយាលោក ។ លោកពោលថា មីសែល អ្នកពុំត្រឹមជាភរិយា និងជាម្តាយរបស់កូនៗប៉ុណ្ណោះទេ តែក៏ជាមិត្តដ៏ប្រសើរបំផុតមួយរូបរបស់ខ្ញុំ ចាប់តាំងពី២៥ឆ្នាំមកហើយ ។ អ្នកគ្រប់គ្រងតំណែងជាស្ត្រីទីមួយបានយ៉ាងល្អ សមស្របទាំងក្លាហាន និងមានទឹកមុខយ៉ាងប្រពៃ ។ ពេលនោះលោកស្រក់ទឹកភ្នែកយកកូនកន្សែងជូនមុនថ្លែងបន្តទៀត សរសើរភរិយាលោកដែលលោកថា លោកស្រីមីសែល ធ្វើឱ្យលោកមានមោទនភាព និងធ្វើឱ្យប្រទេសមានមោទនភាព ។
កូនស្រីលោក នាងម៉ាលីយ៉ា អាយុ១៨ឆ្នាំ ក៏ស្រក់ទឹកភ្នែកដែរ ក្នុងរង្វង់ដៃម្តាយ ។ លោកបារ៉ាក់ អូបាម៉ា ពេលថ្លែងក៏ធ្វើឱ្យអនុប្រធានាធិបតីចប់អាណត្តិលោក JOE BIDEN ទប់ទឹកភ្នែកមិនបានដែរ ពេលលោក សរសើរថា ជាបងប្អូន និងជាមិត្តល្អកម្ររកបានក្នុងជីវិតរបស់លោក ។
បន្ទាប់មក លោកអូបាម៉ា លោកស្រីមីសែល និងនាងម៉ាលីយ៉ា បានឱបគ្នាលើវេទិកាតែបាត់មុខកូនស្រីពៅលោក នាងសាសា អាយុ១៥ឆ្នាំ ៕
ចែករំលែកព័តមាននេះ