យុវជនស្បែកសអាមេរិកឈ្មោះ DYLANN ROOF ទទួលការកាត់ទោសប្រហារជីវិត កាលពីថ្ងៃទី១០ មករា ពីបទសម្លា.ប់ជនស្បែកខ្មៅ៩នាក់ ក្នុងព្រះវិហារគ្រឹស្ដមួយនៃទីក្រុង CHARLESTON រដ្ឋការ៉ូលីន ខាងត្បូងរបស់សហរដ្ឋអាមេរិក
យុវជនស្បែកសអាមេរិកឈ្មោះ DYLANN ROOF ទទួលការកាត់ទោសប្រហារជីវិត កាលពីថ្ងៃទី១០ មករា ពីបទសម្លាប់ជនស្បែកខ្មៅ៩នាក់ ក្នុងព្រះវិហារគ្រឹស្ដមួយនៃទីក្រុង CHARLESTON រដ្ឋការ៉ូលីន ខាងត្បូងរបស់សហរដ្ឋអាមេរិក កាលពីឆ្នាំ២០១៥ ។
យុវជនអាយុ២២ឆ្នាំរូបនោះ ដែលពុំត្រូវការមេធាវីការពារ បានស្ដាប់សាលក្រមកាត់ទោសដោយគ្មានការតក់ស្លុត ហើយពុំសម្ដែងការសោកស្ដាយ ឬការសុំទោសឡើយ ។
ការបាញ់ប្រហាររបស់យុវជនរូបនោះ ដែលធ្វើឱ្យមតិជាតិ និងអន្ដរជាតិមានការក្ដុកក្ដួល កើតមានកាលពីថ្ងៃទី១៧ មិថុនា ឆ្នាំ២០១៥ ក្នុងព្រះវិហារមួយជានិមិត្ដិរូបនៃការតស៊ូរបស់ពួកស្បែកខ្មៅប្រឆាំងនឹងទាសភាព ។ តាមពិតទៅព្រះវិហារ EMANUEL AFRICAN METHODIST EPISCOPAL CHURCH នោះជាកន្លែងជួបជុំរបស់សហគមន៍ស្បែកខ្មៅក្រុង CHARLESTON ដែលចាស់ជាងគេបំផុត ។
មានការជឿជាក់ចំពោះឧត្ដមភាពរបស់ពួកស្បែកស លើបណ្ដាពូជសាសន៍ឯទៀតៗ ដែលរូបគេចាត់ទុកថា ទាបជាង DYLANN ROOF ដាច់ខាតមិនស្វែងរកការសម្រាលទោសរបស់គេឡើយ ។ រូបគេរហូតដល់ហ៊ានបង្កហេតុថែម យកស្បែកជើងចារនិមិត្ដិរូបប្រកាន់ពូជសាសន៍មកព្យួរពេលសវនាការកាត់ទោសរូបគេទៀតផង ៕
ចែករំលែកព័តមាននេះ