ភាគខាងត្បូងប្រទេសថៃលែងអាចចូលទៅបានកាលពីថ្ងៃទី១០ មករា តាមផ្លូវគោកក្រោយការបាក់ស្ពាន២ និងការផ្អាកចរាចរណ៍ផ្លូវរថភ្លើងប្រវែង៣០០គីឡូម៉ែត្រ ទៅកាន់ភាគខាងត្បូងក្រុងបាងកក ដោយសារភ្លៀងធ្លាក់
ភាគខាងត្បូងប្រទេសថៃលែងអាចចូលទៅបានកាលពីថ្ងៃទី១០ មករា តាមផ្លូវគោកក្រោយការបាក់ស្ពាន២ និងការផ្អាកចរាចរណ៍ផ្លូវរថភ្លើងប្រវែង៣០០គីឡូម៉ែត្រ ទៅកាន់ភាគខាងត្បូងក្រុងបាងកក ដោយសារភ្លៀងធ្លាក់យ៉ាងខ្លាំង ដែលបណ្តាលឱ្យមនុស្សស្លាប់៣០នាក់ រយៈពេល៨ថ្ងៃ ។
ភ្លៀងធ្លាក់ខ្លាំងបែបនេះពុំធ្លាប់មានចាប់តាំងពី៣០ឆ្នាំមកហើយ នោះបើតាមប្រមុខរបបយោធាថៃថាប៉ះពាល់បណ្តាតំបន់ដែលនិយមទៅដោយពួកជនបរទេស ពិសេសនាដំណាក់កាលនៃរដូវទេសចរណ៍ នេះជាមួយបរិយាកាសតាមធម្មតាអនុគ្រោះ ។ ការលុបចោលការមកស្នាក់កត់សម្គាល់ឃើញជាពិសេសនៅកោះសាមុយ និងកោះ KHO PHANGAN ។
អ្នកនាំពាក្យខាងបណ្តាញផ្លូវថ្នល់ថៃនិយាយថា ស្ពាន២បានបាក់តាមផ្លូវថ្នល់លេខ៤ទៅកាន់ភាគខាងត្បូងថៃ ។ ក្រោយការបាក់ស្ពាននេះយើងបានបញ្ឈប់ការធ្វើចរាចរណ៍ ។
ចំពោះចរាចរណ៍តាមផ្លូវដែកក៏កាត់ផ្តាច់ដែរក្នុងតំបន់នេះ ព្រោះនៅតាមកន្លែងនានា ផ្លូវដែកត្រូវទឹកបំផ្លាញ ។
យោងតាមតុល្យការថ្មី បន្ទាប់ពីភ្លៀងធ្លាក់ខ្លាំងរយៈពេលជាងមួយសប្តាហ៍ បើតាមក្រសួងមហាផ្ទៃថា បណ្តាលឱ្យមនុស្សស្លាប់យ៉ាងតិច៣០នាក់ ។ សរុបខេត្តចំនួន១២នៅភាគខាងត្បូងថៃរងការប៉ះពាល់ ហើយផ្ទះជាង៣៦០.០០០ខ្នងត្រូវទឹកជន់លិច ។
រដ្ឋាភិបាលបានដាក់ពង្រាយ កងទាហានដើម្បីជួយចែកចាយស្បៀងដល់ប្រជាជន និងជម្លៀសមនុស្សចេញពីតំបន់មួយចំនួន ដែលនាថ្ងៃទី១១ មករា នៅជួបភ្លៀងធ្លាក់នៅឡើយ ។
នេះជាការជន់លិចលើកទី២ហើយ ចន្លោះពេលគ្នាតែប៉ុន្មានសប្តាហ៍នៅភាគខាងត្បូងថៃ តំបន់ទេសចរណ៍សំខាន់របស់ប្រទេស ។ កាលពីខែធ្នូ ទឹកជំនន់នៅតំបន់នេះបណ្តាលឱ្យមនុស្សស្លាប់យ៉ាងហោចណាស់៣៥នាក់ ៕
ចែករំលែកព័តមាននេះ