រាជធានីភ្នំពេញ ៖ ក្រុមមេការជនជាតិចិន និងខ្មែរចំនួន១៥នាក់ ដែលកំពុងធ្វើការសាងសង់ទំនប់វារីអគ្គិសនីស្ទឹងហាវ ខេត្តព្រះសីហនុ បានលើកគ្នាមកកាន់ទីស្នាក់ការរបស់ក្រុមហ៊ុន ជុង ចាវ ដែលជាក្រុមហ៊ុនម៉ៅការសាងសង់ដ៏ធំមួយមានទីតាំងនៅក្នុងបុរីចំការមន ដើម្បីធ្វើការទាមទារប្រាក់ចំនួន២០ម៉ឺនដុល្លារ ដែលក្រុមហ៊ុនបានជំពាក់ជាច្រើឆ្នាំមកហើយ ។ ការលើកគ្នាមកធ្វើការទាមទារនេះដែរបានធ្វើឡើងកាលពីវេលាម៉ោង៩ និង៣០នាទីព្រឹក ថ្ងៃទី១១ ខែមករា ឆ្នាំ២០១៧ នៅខាងមុខបុរីចំការមន តាមបណ្ដោយមហាវីព្រះនរោត្តម ស្ថិតក្នុងសង្កាត់ទន្លេបសាក់ ខណ្ឌចំការមក ។
ប្រភព័ត៌មានពីអ្នកតំណាជនជាតិខ្មែរម្នាក់បានប្រាប់ឱ្យដឹងថា ក្រុមរបស់គាត់ដោយមានទាំងជនជាតិចិន និងជនជាតិខ្មែរនោះបានម៉ៅការងារសាងសង់ទំនប់វារីអគ្គិសនីស្ទឹងហាវ ដែលមានទីតាំងនៅឯខេត្តព្រះសីហនុ បន្តពីក្រុមហ៊ុនសាងសង់ដ៏ធំមួយមានឈ្មោះ ជុង ចាវ ដែលមានទីស្នាក់ការក្រុមហ៊ុននៅក្នុងបុរីចំការមនេះ ។ ដោយបានកំពុងតែប្រើប្រាស់កម្លាំងពលកម្មរាប់រយនាក់ រួមទាំងគ្រឿងចក្រផ្សេងៗជាច្រើនគ្រឿងទៀតផងដែរ រាប់ឆ្នាំមកហើយ ដោយពួកគាត់ចេញរាល់ថ្លៃចំណាយដោយផ្ទាល់ទាំងនោះជាបន្តបន្ទាប់ និងមកបើកប្រាក់បន្តពីក្រុមហ៊ុនខាងលើបានមួយចំនួនប៉ុណ្ណោះ ។
ប្រភពដដែលបានប្រាប់បន្តទៀតថា ដោយក្នុងពេលកន្លងមកពួកគាត់បាននាំគ្នាចេញប្រាក់ដោយផ្ទាល់ទៅលើការចំណាយនោះជាមុនសិន និងពេលណាដែលមានការខ្វះខាត ទើបបាននាំគ្នាមកភ្នំពេញបើកប្រាក់ពីក្រុមហ៊ុន ជុង ចាវ យកទៅបើកឲ្យថ្លៃពលកម្មដល់ក្រុមកម្មករ និងការចំណាយផ្សេងៗទៀតនៅក្នុងការដ្ឋាន ។ រហូតមកដល់រយះពេល៣ឆ្នាំចុងក្រោយនេះ ដោយការចំណាយប្រាក់ច្រើនពេក ពួកគាត់មិនមានលទ្ធភាពចំណាយនោះ ក៏ស្នើសុំបើកប្រាក់ពីក្រុមហ៊ុន តែត្រូវបានក្រុមហ៊ុនខាងលើបើកមិនបានគ្រប់ចំនួនឡើយ ដោយនៅខ្វះរហូតទៅដល់ចំនួន២០ម៉ឺនដុល្លារទៀតឯណ្ណោះ ទើបលើកគ្នាមកកាន់ទីស្នាក់ការនៅបុរីចំការមន ដើម្បីធ្វើការទាមទារប្រាក់ដែលនៅខ្វះដល់ពួកគាត់នៅពេលនេះតែម្តង ។
ការលើកគ្នាមកធ្វើការទាមទារប្រាក់ចំនួន២០ម៉ឺនដុល្លារពីក្រុមហ៊ុន ជុង ចាវ របស់ក្រុមមេការសាងសង់ទំនប់វារីអគ្គិសនីស្ទឹងហាវនៅបុរីចំការមននេះដែរ គឺក្រុមមេការទាំងនោះមិនត្រូវបានខាងសន្តិសុខបុរីអនុញ្ញាតឲ្យចូលទៅកាន់ស្នាក់ការក្រុមហ៊ុនដោយផ្ទាល់ឡើយ ដោយក្រុមកម្លាំងមានសមត្ថកិច្ចមូលដ្ឋាន និងក្រុមសន្តិសុខយាមនៅទីនោះនាំគ្នាចូលទៅរកឱ្យ តែម្ចាស់ផ្ទះមិននៅឡើយ គឺនៅតែចុងភៅម្នាក់តែប៉ុណ្ណោះ ៕
ចែករំលែកព័តមាននេះ