រាជធានីភ្នំពេញ ៖ ក្រោយពីការចុះហត្ថលេខាលើអនុសារណៈយោគយល់គ្នាថ្មីមួយសម្រាប់រយៈពេល៣ឆ្នាំ រវាងមន្ទីរពេទ្យកាល់ម៉ែត និងមន្ទីរពេទ្យ តាន់ តុកសេង នៃសារធារណរដ្ឋសិង្ហបុរី ភាគីទាំងពីរបានរៀបចំបើកសិក្ខាសាលាស្តីអំពីភាពជាអ្នកដឹកនាំ និងការឆ្នៃប្រឌិតថ្មីក្នុងវិស័យសុខាភិបាល នៅសាលប្រជុំមន្ទីរពេទ្យកាល់ម៉ែត កាលពីវេលាម៉ោង០១និង៣០នាទីរសៀល ថ្ងៃទី១០ ខែមករា ឆ្នាំ២០១៧ ។
លោកសាស្ត្រាចារ្យ វិជ្ជបណ្ឌិត ឈាង រា៉ អគ្គនាយកមន្ទីរពេទ្យកាល់ម៉ែតបានថ្លែងថា ក្រោយពីការចុះហត្ថលេខាលើអនុសារណៈយោគយល់គ្នាថ្មីមួយសម្រាប់រយៈពេល៣ឆ្នាំ រវាងមន្ទីរពេទ្យកាល់ម៉ែត និងមន្ទីរពេទ្យ តាន់ តុក សេង នៃសារធារណរដ្ឋសិង្ហបុរី ភាគីទាំងពីរបានរៀបចំបើកសិក្ខាសាលាស្តីអំពីភាពជាអ្នកដឹកនាំ និងការឆ្នៃប្រឌិតថ្មីក្នុងវិស័យសុខាភិបាល ក្នុងគោលបំណងគឺ ៖ ទី១- ធ្វើការបង្ហាញពីប្រព័ន្ធសុខាភិបាលកម្ពុជា និងសិង្ហបុរី, ទី២- ផ្លាស់ប្តូរបទពិសោធន៍អំពីអភិបាលកិច្ចល្អ និងការគ្រប់គ្រងគុណភាពសេវាសុខាភិបាល រវាងថ្នាក់ដឹកនាំនៃមន្ទីរពេទ្យតាន់ តុក សេង និងថ្នាក់ដឹកនាំនៃមន្ទីរពេទ្យកាល់ម៉ែត ,មន្ទីរពេទ្យថ្នាក់ជាតិដទៃទៀត ក៏ដូចជាមន្ទីរពេទ្យបង្អែកទាំង២៤ខេត្ត-ក្រុង, ទី៣- បង្ហាញពីគំនិតច្នៃប្រឌិតថ្មីក្នុងការផ្តល់សេវាសុខាភិបាល (healthcare innovations) នៅមន្ទីរពេទ្យ តាន់ តុក សេង នៃប្រទេសសិង្ហបុរី ដើម្បីឲ្យការផ្តល់សេវាសុខាភិបាលមានគុណភាព និងប្រសិទ្ធភាពខ្ពស់, ទី៤- ពិភាក្សាផ្លាស់ប្តូរយោបល់ និងបទពិសោធន៍ ស្តីអំពីការធ្វើឲ្យប្រសើរឡើងនូវគុណភាព និងសេវាសុខាភិបាលនៅមន្ទីរពេទ្យថ្នាក់ជាតិ និងមន្ទីរពេទ្យបង្អែកនៃប្រទេសកម្ពុជា តាមរយ:ការធ្វើឲ្យប្រសើរឡើងនូវជំនាញទំនាក់ទំនងរវាងបុគ្គលិកសុខាភិបាល និងអ្នកជំងឺ ការប្រើប្រាស់បច្ចេកវិទ្យា និងគំនិតឆ្នៃប្រឌិតថ្មីក្នុងការបង្កើនប្រសិទ្ធភាពនៃការផ្តល់សេវាសុខាភិបាលសាធារណៈនៅកម្ពុជា។
លោកអគ្គនាយកមន្ទីរពេទ្យកាល់ម៉ែតបានថ្លែងបន្តទៀតថា យើងរៀបចំធ្វើបន្តទៀតនូវអ្វីជាតម្រូវការរបស់យើងជាសំខាន់នោះ គឺថា ផ្នែកសង្គ្រោះបន្ទាន់ឲ្យកាន់តែមានប្រសិទ្ធភាពបន្ថែមទៀត នៅក្នុងកំរិតគុណភាពប្រទេសជឿនលឿន ឧទាហរណ៍ប្រទេសសិង្ហបូរីនេះហើយក្នុងនោះដែរ គឺផ្សាភ្ជាប់ពីផ្នែកសង្គ្រោះបន្ទាន់កំរិតធ្ងន់ (ICU) បូកផ្សំទាំងផ្នែកបារាំង ផ្នែកសិង្ហបូរី និងអាស៊ីយើងនេះ។ លោកបន្តថា ០៣ឆ្នាំបន្តទៀត យើងនឹងបូកតទៅទៀតតាមការចាំបាច់ ។ កិច្ចសសហប្រតិបត្តិនេះ ភាគីមិត្តសាំងហ្គាពួរ លោកមានឆន្ទះ និងពេញចិត្តក្នុងកិច្ចសហប្រតិបត្តិការនេះខ្លាំងណាស់។ អញ្ចឹងទេ គឺថា ផ្នែក (ICU) គឺយើងត្រូវបន្តទៅទៀតដែរ គឺបន្តទៅលើផ្នែកការថែទាំឲ្យកាន់តែមានប្រសិទ្ធភាព និងតម្រូវការនៃអ្នកជំងឺ និងក្រុមគ្រួសារអ្នកជំងឺ មិនត្រឹមតែប៉ុណ្ណោះនៅល្ងាចថ្ងៃដដែលនេះ ជាក់ស្តែងយើងក៏ចាប់ផ្តើមធ្វើការបណ្តុះបណ្តាល ដើម្បីធ្វើការផ្លាសប្តូរបទពិសោធន៍គ្នាដែរ គឺទៅលើការគ្រប់គ្រងនៅក្នុងវិស័យមន្ទីរពេទ្យបែបផែនន្រៃទេសសិង្ហបូរី ព្រោះប្រទេសបារាំង គឺយើងបានធ្វើហើយ ចាំមើលដើម្បីសម្របទៅតាមស្ថានភាពទៅតាមតំបន់នៃប្រទេសអាស៊ីយើងនេះ គឺប្រទេសសិង្ហបូរី ហើយនៅក្នុងនោះគឺថា យើងនឹងធ្វើការវគ្គរបស់យើងនៅល្ងាចនេះ គឺអញ្ជើញមកពីទូទាំងប្រទេស យើងសាកដឹកនាំជាប្រធានមន្ទីរសុខាភិបាល ជាថ្នាក់ដឹកនាំជាប្រធានមន្ទីរពេទ្យ តាមបណ្តាពេទ្យជាតិក៏ដូចជា ពេទ្យតាមខេត្តធំៗអីចឹងទេ គឺថា ជាលទ្ធផលយើងនឹងសង្ឃឹមថា អាចលើកស្ទួយនូវគុណភាពផ្នែកសេវាឲ្យកាន់តែប្រសើរថែមទៀត។
ចែករំលែកព័តមាននេះ