មេបក្សអំណាចខ្មែរវាយប្រហារធ្ងន់ៗលើមេដឹកនាំ CPP និង CNRP
រាជធានីភ្នំពេញ៖ ប្រធានគណបក្សអំណាចខ្មែរ លោក សួន សេរីរដ្ឋា បានវាយប្រហារធ្ងន់ៗលើថ្នាក់ដឹកនាំគណបក្សប្រជាជនកម្ពុជា(CPP)និងគណបក្សសង្គ្រោះជាតិ
រាជធានីភ្នំពេញ៖ ប្រធានគណបក្សអំណាចខ្មែរ លោក សួន សេរីរដ្ឋា បានវាយប្រហារធ្ងន់ៗលើថ្នាក់ដឹកនាំគណបក្សប្រជាជនកម្ពុជា(CPP)និងគណបក្សសង្គ្រោះជាតិ
រាជធានីភ្នំពេញ៖ ប្រធានគណបក្សអំណាចខ្មែរ លោក សួន សេរីរដ្ឋា បានវាយប្រហារធ្ងន់ៗលើថ្នាក់ដឹកនាំគណបក្សប្រជាជនកម្ពុជា(CPP)និងគណបក្សសង្គ្រោះជាតិ(CNRP) ដែលមានអាសនៈក្នុងរដ្ឋសភានីតិកាលទី៥ ។
លោកសួន សេរីរដ្ឋា បានលើកឡើងថា«លោក សម រង្ស៊ី ថាសម្តេចនាយករដ្ឋមន្ត្រី ហ៊ុន សែន យកអ្នកទោសនយោបាយធ្វើជាចំណាប់ខ្មាំង… តែកន្លងមកខ្ញុំ ក៏មើលឃើញដែថា លោក សម រង្ស៊ី យកជនរងគ្រោះដែលស្លាប់ដោយបាតុកម្ម ឬ ស្លាប់ដោយសកម្មភាពសកម្មធ្វើជានុយប្រមូលលុយខ្មែរក្រៅប្រទេសសម្រាប់ចាយវាយ ។ដូច្នោះទាំងពីរនាក់នេះ (ហ៊ុន សែន និង សម រង្ស៊ី) គឺដូចតែគ្នាទេ គឺម្នាក់អ្នកបង្កើតបញ្ហា ហើយម្នាក់ទៀតអ្នកដឹកបញ្ហាយកទៅលក់រៃអង្គាសលុយពីខ្មែរនៅបរទេស យកចាយ ក្រោមលេសសង្គ្រោះជាតិ ឬជួយជនរងគ្រោះនយោបាយ »។
លោកបញ្ជាក់ទៀតថា«ខ្ញុំ និយាយរឿងពិតមួយ គឺរឿងកម្មករដែលរដ្ឋាភិបាលបច្ចុប្បន្ន បាញ់បង្ក្រាបនិងសម្លាប់នៅផ្លូវវេងស្រេង កាលពីដើមខែមករា ២០១៤នោះ គឺ សម រង្ស៊ី និង កឹម សុខា បានដាក់ផែនការឲ្យសាខាខ្លួននៅក្រៅប្រទេស ចេញធ្វើបុណ្យគោរពវិញ្ញាណក្ខន្ឋ បង្សុកូល នៅតាមវត្ត តាមផ្ទះ តាមកន្លែងនានា ក្រោមលេសប្រមូល បច្ច័យមកជួយគ្រួសារអ្នកស្លាប់ ។ កាលនោះទាំងនៅអាមេរិក កាណាដា អឺរ៉ុប អូស្ត្រាលី និងញូហ្សឺលែន ក្រុមសាខាគណបក្សសង្គ្រោះជាតិ នៅក្រៅប្រទេសធ្វើបុណ្យរៃអង្គាសសរុបមិនតិចជាង ៣០០ កន្លែងទេ ហើយដែលមួយកន្លែងៗ ប្រមូលបានបច្ច័យដែលអ្នកចូលបុណ្យ មិនតិចជាង ៥០០០$ ទេ ដែលគេចូលយកទៅជួយគ្រួសារអ្នកស្លាប់ ។ បើមួយកន្លែងៗ ប្រមូលបានយ៉ាងតិច ៥០០០$ ហើយរៀបចំធ្វើរហូតដល់ទៅជាង ៣០០ កន្លែង គឺ ៥០០០$ x ៣០០ = ១៥០០០០០$ ជាទឹកប្រាក់ដែលប្រមូលបានពីពលរដ្ឋខ្មែរនៅក្រៅប្រទេស ដែលចូលបុណ្យយកបច្ច័យទៅជួយគ្រួសារអ្នកស្លាប់នៅផ្លូវវេងស្រេង ។
មេបក្សអំណាចខ្មែរដែលមានសញ្ជាតិអាមេរិករូបនេះបានចោទជាសំណួរថា៖ តើគ្រួសារអ្នកស្លាប់ម្នាក់ ត្រូវបានលុយចំនួនប៉ុន្មានសែនដុល្លារ បើយកចំនួនលុយពិតប្រាកដ មកចែកនឹងចំនួនអ្នកស្លាប់ ? នេះនៅមិនទាន់រាប់ពីចំនួនលុយផ្សេងទៀត ដែលគេជួយអ្នករបួសនិងអ្នកជាប់គុកផង ហើយតាំងពីសម័យអ្នកស្លាប់ និងរបួសដោយសារបោកគ្រាប់បែកមុខរដ្ឋសភាកាលពីថ្ងៃទី៣០ មិនា ១៩៩៧ រហូតមកដល់ពេលនេះគឺ សម រង្ស៊ី យកខ្មោចជនរងគ្រោះធ្វើអាជីវកម្មប្រមូលលុយខ្មែរនៅក្រៅប្រទេសរហូត ។ លោក សួន សេរីរដ្ឋា បានគូសបញ្ជាក់ថាសម្តេច ហ៊ុន សែន និងទាំងលោក សម រង្ស៊ី គឺម្ខាងយកអ្នកនយោបាយដែលជាប់ទោសធ្វើជាចំណាប់ខ្មាំង និងម្ខាងយកអ្នកស្លាប់ដោយសកម្មភាពនយោបាយ ឬសកម្មភាពសង្គម ទៅធ្វើជាមុខរបររៃអង្គាសយកលុយ ។
អ្នកនាំពាក្យគណបក្សប្រជាជនកម្ពុជានិងគណបក្សសង្គ្រោះជាតិ មិនអាចរកការសុំអត្ថាធិប្បាយឆ្លើយតបបានទេ ជុំវិញការលើកឡើងរបស់លោក សួន សេរីរដ្ឋា នារសៀលថ្ងៃទី១១ មករា ២០១៧នេះ ៕
ចែករំលែកព័តមាននេះ