ហួសចិត្ត ! បួសហើយនៅប្រព្រឹត្តអំពើបែបនេះទៀត
ខេត្តកណ្ដាល ៖ កូននេន២អង្គត្រូវបាននគរបាលស្រុកកោះធំឃាត់ខ្លួនកាលពីវេលាម៉ោង២រសៀល ថ្ងៃទី១០ ខែមករា ឆ្នាំ២០១៧ ខណៈកំពុងសេពគ្រឿងញៀ.នក្នុងកុដិ …
ខេត្តកណ្ដាល ៖ កូននេន២អង្គត្រូវបាននគរបាលស្រុកកោះធំឃាត់ខ្លួនកាលពីវេលាម៉ោង២រសៀល ថ្ងៃទី១០ ខែមករា ឆ្នាំ២០១៧ ខណៈកំពុងសេពគ្រឿងញៀ.នក្នុងកុដិ …
ខេត្តកណ្ដាល ៖ កូននេន២អង្គត្រូវបាននគរបាលស្រុកកោះធំឃាត់ខ្លួនកាលពីវេលាម៉ោង២រសៀល ថ្ងៃទី១០ ខែមករា ឆ្នាំ២០១៧ ខណៈកំពុងសេពគ្រឿងញៀនក្នុងកុដិ នៅវត្តសំប៉ាន ស្ថិតនៅភូមិសំប៉ាន ឃុំកោះធំ(ខ) ស្រុកកោះធំ ខេត្តកណ្ដាល ។
លោក ឈឿន ប៊ុនឆន អធិការនគរស្រុកកោះធំ បានឱ្យដឹងថា ក្រោយពីឃាត់ខ្លួន កូននេនទាំងពីរអង្គត្រូវបាន ខាងធម្មការស្រុកផ្សឹក រួចប្រគល់អោយនគរបាលចាត់ការតាមផ្លូវច្បាប់ ។
លោក ឈឿន ប៊ុនឆន បានឲ្យដឹងទៀតថា ជនសង្ស័យទាំង២នាក់ ម្នាក់ឈ្មោះ សឿង សុផានី ភេទប្រុស អាយុ ១៦ឆ្នាំ ជនជាតិខ្មែរ ស្រុកកំណើតនៅភូមិស្យា ឃុំវាលពង់ ស្រុកថ្ពង ខេត្តកំពង់ស្ពឺ និងម្នាក់ទៀតឈ្មោះ ខែម រ៉ាមី ភេទប្រុស អាយុ១៨ឆ្នាំ ជនជាតិខ្មែរ មានស្រុកកំណើតនៅភូមិព្រៃមិច ឃុំវាលពង់ ស្រុកថ្ពង ខេត្តកំពង់ស្ពឺ ។
លោកអធិការនគរបាលស្រុកកោះធំបានឱ្យដឹងបន្ថែមទៀតថា នៅថ្ងៃកើតហេតុ នគរបាលជំនាញស្រុកកោះធំ បានល្បាតក្នុងភូមិសាស្ត្រ ហើយបានទទួលព័ត៌មានពីមហាជនថា មានកូននេនគង់នៅវត្តសំប៉ាន២អង្គកំពុងប្រើប្រាស់(ជក់)គ្រឿងញៀននៅក្នុងវត្ត ។ ក្រោយពីទទួលបានព័ត៌មានភ្លាម នគរបាលបានចុះដល់កន្លែងកើតហេតុ ហើយបានជួបមុខសញ្ញាសង្ស័យជានេន២អង្គនៅក្នុងកុដិលោកកំពុងនាំគ្នាប្រើប្រាស់គ្រឿងញៀន ពេលនោះព្រះចៅអធិការវត្តបានរាយការណ៍ទៅខាងធម្មការស្រុករួចបានផ្សឹកកូននេនទាំង២អង្គនោះ រួចប្រគល់នគរបាលយកទៅចាត់ការតាមផ្លូវច្បាប់ ។
ក្រោយពេលចាប់ខ្លួន ជនសង្ស័យទាំង២នាក់ និងឧបករណ៍កែច្នៃសម្រាប់ជក់ថ្នាំញៀនមួយចំនួនដែលចាប់បាន ត្រូវបានបញ្ជូនមកកាន់អធិការដ្ឋាននគរបាលស្រុកកោះធំ ដើម្បីចាត់ការបន្តតាមនីតិវិធី ។
នៅចំពោះមុខនគរបាល ជនសង្ស័យទាំង២នាក់បានសារភាពថា ពួកខ្លួនពិតជាបានប្រើប្រាស់គ្រឿងញៀនជាមួយគ្នាប្រាកដមែន ដោយថ្នាំញៀនដែលពួកខ្លួននាំគ្នាជក់នោះ គឺទើបទិញពីឈ្មោះ ម៉ា រ៉ាឌី ភេទប្រុស និងឈ្មោះ គឹមហ័ង ភេទស្រី ក្នុងតម្លៃ៣ម៉ឺនរៀល ។
ចែករំលែកព័តមាននេះ