ប្រទេសថៃ ៖ ពេលកសិកម្មបានក្លាយជាឆ្អឹងខ្នងនៃសេដ្ឋកិច្ចជាតិ ក្នុងរយៈពេលប៉ុន្មានឆ្នាំចុងក្រោយនេះ វិស័យកសិកម្មមានភាពទន់ ខ្សោយនៅឡើយ និងពឹងផ្អែកលើការគាំទ្រពីរដ្ឋាភិបាល ។ ប៉ុន្តែវិស័យនេះត្រូវបានផ្លាស់ប្តូរនៅឆ្នាំ២០១៦ ពីការរំពឹងទុកនៃការទទួលប្រយោជន៍គោលនយោបាយ៤.០របស់ថៃ ឬសេដ្ឋកិច្ចជំរុញដោយការបង្កើតថ្មី។
កសិករមានទ្រព្យជាច្រើនកំពុងចាប់ផ្តើមចាប់យកផ្នត់គំនិតថ្មី គឺមិនរង់ចាំដោយអសកម្មនូវការគាំទ្រពីរដ្ឋាភិបាល ដោយលក់អង្កររបស់ខ្លួនតាមរយៈឈ្មួញកណ្តាល ។ ពួកគេបានរៀនពីការផលិតអង្ករ ការទទួលយកការធ្វើពាណិជ្ជកម្មអនឡាញ បណ្តាញសម្រាប់ការបណ្តាក់ទុនធ្វើកសិកម្ម និងការធ្វើផែនការទីផ្សារច្រើនប្រភេទ។
កាលពីឆ្នាំមុន រដ្ឋាភិបាលថៃបានធ្វើសេចក្តីព្រាងផែនការកំណែទម្រង់កសិកម្ម និងទីផ្សារស្រូវ ស្ថិតនៅក្រោមយុទ្ធសាស្ត្ររយៈពេល២០ឆ្នាំ។ ផែនការរយៈពេល១០ឆ្នាំ ត្រូវបានរៀបចំឡើងដើម្បីធ្វើទំនើបកម្មកសិកម្ម និងពាណិជ្ជកម្មដំឡូងមី ។
នៅក្រោមផែនការ រដ្ឋាភិបាលបានបង្កើតវិធានការដើម្បីលើកទឹកចិត្តឱ្យកសិករធ្វើស្រែក្នុងតំបន់ដែលសមរម្យជាងគេបំផុត និងដាំដំណាំផ្សេងទៀតដូចជា អំពៅ ពោត ដំឡូងមី និងចំណីបសុសត្វជាដើម ។ រដ្ឋាភិបាលក៏បានផ្តល់គ្រាប់ពូជដែលមានគុណភាពល្អ ជីតម្លៃថោក និងប្រាក់កម្ចីជាមួយអត្រាការប្រាក់ទាបជូនដល់កសិករផងដែរ ។
លោក Chatchai Sarikulya រដ្ឋមន្ត្រីក្រសួងកសិកម្មនៃប្រទេសនេះ បានថ្លែងថា ៖ « រដ្ឋាភិបាលនឹងបន្តជំរុញកសិករបន្ថែមទៀតដើម្បីចូលរួមក្នុងគម្រោងធ្វើកសិកម្មដ៏ធំមួយ ខណៈដែលអ្នកផលិតដំណាំដទៃទៀត ក៏ត្រូវបានជួយជំរុញដើម្បីរួមបញ្ចូលក្នុងផ្នែកកសិកម្មផងដែរ » ។
វិទ្យាស្ថានមួយដែលជំរុញឱ្យមានការបង្កើតថ្មីក្នុងផ្នែកផលិតកម្មស្រូវ និងដំណាំផ្សេងទៀត បានចាប់ផ្តើមនៅក្នុងឆ្នាំ២០១៦ ។ វិទ្យាស្ថាននេះមានគោលបំណងជំរុញដល់ការអភិវឌ្ឍស្រូវ និងដំណាំផ្សេងៗដើម្បីក្លាយជាដំណាំមានតម្លៃបន្ថែមទៀត ៕
ចែករំលែកព័តមាននេះ