អាណិតណាស់ ! ទោះខំរាវរកយ៉ាងណាក៏នៅតែមិនឃើញ
ខេត្តព្រៃវែង ៖ បុរសក្រីក្រម្នាក់ដែលមានមុខរបរជាអ្នកនេសាទត្រី ខណ:កំពុងហែលទឹកអូសអួន ស្រាប់តែលង់ទឹកព្រែកស្លា.ប់ចោលប្រពន្ធ និងកូនតូចៗ៤នាក់ឲ្យនៅកំព្រា …
ខេត្តព្រៃវែង ៖ បុរសក្រីក្រម្នាក់ដែលមានមុខរបរជាអ្នកនេសាទត្រី ខណ:កំពុងហែលទឹកអូសអួន ស្រាប់តែលង់ទឹកព្រែកស្លា.ប់ចោលប្រពន្ធ និងកូនតូចៗ៤នាក់ឲ្យនៅកំព្រា …
ខេត្តព្រៃវែង ៖ បុរសក្រីក្រម្នាក់ដែលមានមុខរបរជាអ្នកនេសាទត្រី ខណ:កំពុងហែលទឹកអូសអួន ស្រាប់តែលង់ទឹកព្រែកស្លាប់ចោលប្រពន្ធ និងកូនតូចៗ៤នាក់ឲ្យនៅកំព្រា ។ ហេតុការណ៍នេះបានកើតឡើងកាលពីវេលាម៉ោង២ និង៣០នាទីរសៀលថ្ងៃទី៩ ខែមករា ឆ្នាំ២០១៧ នៅចំណុចរណ្តៅដីដ៏ជ្រៅមួយកន្លែងដែលគេជីកនៅក្នុងព្រែកចំណុចព្រំប្រទល់ស្រុកពារាំង និងស្រុកស្វាយអន្ទរ ខេត្តព្រៃវែង ។
តាមការរៀបរាប់ពីស្ត្រីឈ្មោះ យ៉េន អឿន អាយុ៣៤ឆ្នាំ ត្រូវជាប្រពន្ធជនរងគ្រោះ បានឲ្យដឹងថា ប្តីរបស់គាត់ឈ្មោះ ប៉ីត ប៉ូ អាយុ៣៥ឆ្នាំ ពួកគាត់មានទីលំនៅក្នុងភូមិស្រម៉ ឃុំព្រៃព្នៅ ស្រុកពារាំង ខេត្តព្រៃវែង មានមុខរបរជាអ្នកនេសាទត្រី និងមានកូន៤នាក់ ។
ស្ត្រីដដែលបានឲ្យដឹងទៀតថា នៅព្រឹកថ្ងៃកើតហេតុ ពួកគាត់អូសអួនរកត្រីយកទៅលក់បានម្តងហើយ តែពេលរសៀល ក៏នាំគ្នាចុះទៅអូសម្តងទៀត ដោយប្តីគាត់កាន់ចុងអួនម្ខាងចុះហែលអូសក្នុងទឹក ចំណែករូបគាត់ (ប្រពន្ធ) កាន់ចុងអួនម្ខាងនៅមាត់ច្រាំង ពេលប្តីគាត់ហែលវង់ដល់ពាក់កណ្តាលព្រែក ស្រាប់តែស្រែកថា អស់ខ្យល់ហើយ ជួយគាត់ផង ភ្លាមៗនោះរូបគាត់ភ័យស្លន់ស្លោ ខ្លួនឯងមិនហ៊ានចុះខ្លាចលង់ទាំង២នាក់ ក៏ស្រែកហៅអ្នកបង់សំណាញ់ជិតនោះឲ្យមកជួយ តែទម្រាំគេរត់មកដល់ប្តីរបស់គាត់បានលិចទៅក្នុងទឹកបាត់ទៅហើយ ហើយភ្លាមៗនោះប្រជាពលរដ្ឋជាច្រើនបាននាំគ្នាអូសអួនរកដែរ តែរកតាំពីពេលកើតហេតុរហូតដល់យប់រកមិនឃើញសោះ លុះព្រឹកឡើងថ្ងៃទី១០ មករា បន្តអូសអួនរកទៀត តែរហូតដល់ម៉ោងជាង១២ថ្ងៃត្រង់ក៏នៅតែរកសាកសពប្តីរបស់គាត់មិនឃើញដដែល ។
ប្រជាពលរដ្ឋដែលដឹងហេតុការណ៍នេះមានការអាណិតអាសូរដល់ប្រពន្ធនិងកូនជនរងគ្រោះយ៉ាងខ្លាំង ក៏បានរៃអង្គាសប្រាក់គ្នាបានប្រមាណជា៤០ម៉ឺនរៀលជួលអ្នកមុជទឹកចុះមុជរាវរកសពជនរងគ្រោះ តែទោះជាយ៉ាងណានៅតែរកសពមិនឃើញដដែល ៕
ចែករំលែកព័តមាននេះ